نۇر-سۇلتانداعى قاجىمۇقان مۇڭايتپاسوۆ اتىنداعى ورتالىق ستاديون اپاتتىق جاعدايدا دەپ تانىلدى. عيمارات پەن تريبۋنا تولىق قيراتىلىپ, ورنىنا جاڭا كەشەن سالىنادى. بۇل اقپاراتتى قالالىق اكىمدىكتىڭ ءباسپاسوز قىزمەتى راستادى, دەپ حابارلايدى Egemen.kz.
بيىل ستاديوننىڭ سالىنعانىنا 85 جىل. سپورت كەشەنى 1936 جىلى اشىلعان. بۇعان دەيىن اتاۋى سەگىز رەت اۋىسىپ, 1986 جىلى مۇڭايتپاسوۆ ەسىمى بەرىلگەن. ستاديونعا 12 250 كورەرمەن سيادى.
نۇر-سۇلتاننىڭ اكىمدىك وكىلدەرىنىڭ مالىمەتىنشە, 2020 جىلى ماۋسىمدا ستاديون اپاتتىق جاعدايدا دەپ تانىلعان. «مۇڭايتپاسوۆ اتىنداعى ورتالىق ستاديون اپاتتى دەپ تانىلعاندىقتان, بۇگىندە جوبالاۋ-ىزدەستىرۋ جۇمىستارى جۇرگىزىلىپ جاتىر. سپورت كەشەنى ەسكيزدىك جوبانى ازىرلەۋ ساتىسىندا», دەدى اكىمدىك ءباسپاسوز قىزمەتىنىڭ وكىلدەرى.اكىمدىك وكىلدەرى بۇل جاي جوندەۋ جۇمىسى نەمەسە رەكونسترۋكتسيا ەمەس ەكەنىن ايتادى. عيمارات پەن تريبۋنا تولىعىمەن بۇزىلىپ, ورنىنا جاڭا ستاديون سالىنادى.