قازاقستاندا ۇن مەن نان باعاسىنىڭ ءوسۋى كۇتىلۋدە. قازاقستان استىق وداعىنىڭ رەسمي وكىلى ەۆگەني قارابانوۆتىڭ ايتۋىنشا, قازىرگى ۋاقىتتا استىق وتكەن جىلمەن سالىستىرعاندا 28%-عا قىمباتتادى, دەپ حابارلايدى Egemen.kz.
وسىعان بايلانىستى ۇن مەن ۇن ونىمدەرىنىڭ باعاسى بىردەي مولشەردە ءوسۋى كۇتىلۋدە. الايدا, «ازىق-ت ۇلىك كورپوراتسياسى» وسى جىلدىڭ كوكتەمگى باعالارى بويىنشا فورۆاردتىق ساتىپ الۋ ەسەبىنەن قۇندى ۇستاپ تۇراتىن بولادى (كوكتەمدە 700 مىڭ توننا كولەمىندە 2021 جىلدىڭ كۇزگى ءونىمىن الۋعا كەلىسىم-شارتتار جاسالدى).
«مەنىڭ ويىمشا, «ازىق-ت ۇلىك كورپوراتسياسىنىڭ» ءىس-ارەكەتى ەسەبىنەن ۇن, نان جانە ماكارون ونىمدەرىنىڭ قۇنى شامالى – 10%-عا دەيىن وسەدى. ۇكىمەت تاۋارلاردىڭ قۇنىن بارىنشا تەجەيتىن بولادى, سوندىقتان باعانى رەتتەۋ قاراشادان باستاپ جاڭا ەگىن ناۋقانىنا دەيىن ارەكەت ەتەتىن بولادى», دەپ اتاپ ءوتتى قارابانوۆ.
ونىڭ سوزىنشە, فورۆاردتىق ساتىپ الۋدان باسقا, وپەراتوردا رەزەرۆتە 500 مىڭ توننا بار, سونداي-اق, قازىرگى باعالار بويىنشا 200 مىڭ توننا استىق ساتىپ الۋعا قاراجات بولىنگەن.
قارابانوۆ ءونىم تەك استىقتىڭ وزىندىك قۇنىنا بايلانىستى عانا قىمباتتامايتىنىن اتاپ ءوتتى. سونىمەن قاتار, وعان وتىن, ەلەكتر, سۋ, قوسالقى بولشەكتەر جانە ت.ب. كورسەتكىشتەرى اسەر ەتەدى.
«نان ۇنىنىڭ باعاسى تەك 30% قۇرايدى. قالعانىنىڭ ءبارى - باسقا ءوندىرىس شىعىندارى. سوندىقتان تەك استىق باعاسىن ۇستاپ تۇرۋ ەڭ دۇرىس ءتاسىل ەمەس», دەپ ءتۇسىندىردى ول.
ول الەمدە نان مەن باسقا دا ازىق-ت ۇلىك باعاسىنىڭ وسۋىنە بايلانىستى حالىققا قىسىمدى تومەندەتۋ ءۇشىن الەۋمەتتىك وسال توپتارعا اتاۋلى كومەك بولىنەتىنىن اتاپ ءوتتى. الايدا, ونىڭ پىكىرىنشە, قازاقستان ءۇشىن مۇنداي شارا قولايلى ەمەس, ويتكەنى ازاماتتاردىڭ ەداۋىر ۇلەسى ءتيىستى دارەجەدە قامتاماسىز ەتىلمەگەن.
«بىزدە باعالار جوعارى ەمەس, ادامدار كەدەي. سوندىقتان, اتاۋلى كومەك وتە قولايلى ەمەس, ويتكەنى ادامداردىڭ 50%-ى قوسىمشا اقى تولەۋگە ءماجبۇر بولادى. ءبىز, استىق وداعى رەتىندە, ىشكى نارىققا قاجەتتى شيكىزات كولەمىن ەكسپورتقا شەك قويىلمايتىندىعىنىڭ ورنىنا قولايلى باعامەن جەتكىزۋدى ۇسىندىق. ولاي بولماعان جاعدايدا, ەگەر ەكسپورتتىق باجدار ەنگىزىلسە, جوعارى باسەكەلەستىكتىڭ سالدارىنان وتكىزۋ نارىقتارىنان ايىرىلىپ قالۋىمىز مۇمكىن. بۇل رەتتە قازاقستاننىڭ وزىندە باعالار ءالى دە تومەندەمەيدى», دەدى ول.