ەلىمىزدە قاي سالانىڭ ماماندارىنا جۇمىس تابۋ قيىن

بۇل تۋرالى LS باسىلىمى ءمالىم ەتتى.

ەڭبەك رەسۋرستارىن دامىتۋ ورتالىعىنىڭ مالىمەتىنشە, قىركۇيەك ايىندا الماتىدا بوس جۇمىس ورىندارىنىڭ سانى 10%-عا ازايدى. ماڭعىستاۋ وبلىسىندا بۇل كورسەتكىش 7%-عا تومەندەگەن.

سونىمەن قاتار, الماتى ەلەكتروندىق ەڭبەك بيرجاسىندا (ەبت) جۇمىس ىزدەۋشىلەر سانى 24%-عا, ال ماڭعىستاۋ وبلىسىندا 21%-عا قىسقاردى.

الماتى وبلىسىندا جۇمىسشىلارعا دەگەن قاجەتتىلىك 6,6 مىڭعا ارتىپ, 12,6 مىڭعا جەتتى.

تۇيىندەمەنىڭ ەڭ كوپ ءوسۋى اقمولا (+40%; 1,6 مىڭ تۇيىندەمە) جانە سولتۇستىك قازاقستان (+39%; 2 مىڭ تۇيىندەمە) وبلىستارىندا بايقالدى.

جالپى ەلىمىزدە 137,9 مىڭ بوس جۇمىس ورنى (+22%) جانە 62,2 مىڭ تۇيىندەمە (+8%) ورنالاستىرىلدى.

ماماندارعا جوعارى سۇرانىس ءبىلىم بەرۋ سالاسىندا بايقالادى – 18 مىڭنان استام بوس جۇمىس ورنى. بۇل وفلاين وقۋعا ورالۋمەن بايلانىستى.

ولارمەن قاتار وت جاعۋشىلار, قازاندىق وپەراتورلارى جانە قازاندىق ماشينيستەرى تاپشىلىعى ارتتى, ولار ءۇشىن وتكەن ايعا قاراعاندا ءوسىم 2,9 مىڭعا جۋىق بوس ورىندى قۇرادى. ال قىركۇيەك ايىندا ولارعا دەگەن جالپى قاجەتتىلىك 3 مىڭنان استام بوس ورىن بولعان.

سونداي-اق, قىركۇيەك ايىندا 7,8 مىڭ ينتەرۆيۋەر بوس جۇمىس ورنى ورنالاستىرىلدى. ەڭ كوبى تۇركىستان, شىعىس قازاقستان, الماتى جانە جامبىل وبلىستارىندا.

بۇدان باسقا, كۇزەتشىلەر (504 تۇيىندەمە جانە 2,3 مىڭ بوس جۇمىس ورنى), اۆتوكولىك جۇرگىزۋشىلەرى (948 تۇيىندەمە جانە 2 مىڭ بوس جۇمىس ورنى), تاربيەشىلەر (1,3 مىڭ تۇيىندەمە جانە 2,3 مىڭ بوس جۇمىس ورنى) جەتكىلىكسىز. بىلىكتىلىگى تومەن جۇمىس كۇشى اراسىندا قوسالقى جۇمىسشىلار, جۇك تيەۋشىلەر, ءارتۇرلى جۇمىسشىلار, اس ءۇي قىزمەتكەرلەرi جانە مەكتەپتەردەگى تازالاۋشىلار تاپشى.

زاڭگەرلەر (331 بوس ورىنعا قارسى 790 تۇيىندەمە), دەنە شىنىقتىرۋ جانە سپورت مۇعالىمدەرى (1,3 مىڭ تۇيىندەمە جانە 965 بوس ورىن), سونداي-اق, قارجىگەرلەر (238 تۇيىندەمە جانە 24 بوس ورىن) كوپ بولدى. بىلىكتىلىگى تومەن جۇمىس كۇشى اراسىندا ۆاحتەرلەر مەن ەلدى مەكەندەردى اباتتاندىرۋ بويىنشا  جۇمىس ورىندارى ءۇشىن جوعارى باسەكەلەستىك بايقالادى.

وڭىرلىك بولىنىستە ءبىلىم بەرۋ سالاسىنداعى كاسىپورىندار الماتى (3,6 مىڭ بوس جۇمىس ورنى), اقتوبە (2,7 مىڭ), قاراعاندى  وبلىستارىندا (2,3 مىڭ) جانە نۇر-سۇلتاندا (2,3 مىڭ) ۇلكەن سۇرانىس تانىتتى. ءوز كەزەگىندە اۋىل شارۋاشىلىعى كاسىپورىندارى وڭتۇستىك وڭىرلەردە, اتاپ ايتقاندا تۇركىستان (3,5 مىڭ), الماتى (2,3 مىڭ) جانە جامبىل (1,6 مىڭ) وبلىستارىندا بوس ورىنداردىڭ كوبىرەك سانىن ورنالاستىردى.