اقمولا وبلىسىندا بالىق اۋلاۋعا كەلگەن ەر ادام ءتورت گراناتا تاپتى, دەپ حابارلايدى Egemen.kz.
تابىلعان زات تۋرالى ول كەزەكشى پوليتسيا بولىمىنە حابارلادى.
«1974 جىلى تۋعان ەر ادام ارشالى اۋدانى ارناساي اۋىلى اۋماعىندا بالىق اۋلاپ جۇرگەندە گراناتاعا ۇقسايتىن زاتتى كورەدى. پوليتسەيلەر ەسىل وزەنىنىڭ ۇستىندەگى كوپىر ماڭىن تەكسەرىپ, اتىسقا ارنالماعان, بىراق جارىلعان ءۇش گراناتا مەن ءبىر شۋ نەمەسە ءتۇتىن گراناتاسىن تاپتى», دەپ حابارلادى اقمولا وبلىسىنىڭ پد.
انىقتالعانداي, تابىلعان زاتتاردى تەكسەرۋ ءۇشىن ەلوردالىق پوليتسيا دەپارتامەنتىنىڭ كينولوگتارى مەن ساپەرلەرى جۇمىلدىرىلدى. گراناتالار تاركىلەندى.