ەلوردادا ءبىر تاۋلىكتىڭ ىشىندە 68 جول-كولىك وقيعاسى بولىپ, ءبىر ادام اۋرۋحاناعا ءتۇستى, دەپ حابارلايدى Egemen.kz نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
بۇگىن ەلوردادا قار ارالاس جاڭبىر جاۋىپ, كوكتايعاق بولادى. پوليتسەيلەر جۇرگىزۋشىلەرمەن قاتار جاياۋ جۇرگىنشىلەردى دە جولدا مۇقيات بولۋعا شاقىرادى.
پوليتسيا دەپارتامەنتى جۇرگىزۋشىلەرگە مارشرۋتتى الدىن الا جوسپارلاۋعا, قوزعالىس كەزىندە جىلدامدىق رەجيمىن جانە قاۋىپسىز قاشىقتىقتى ساقتاۋعا كەڭەس بەرەدى. سەبەبى تايعاق جولدا اۆتوكولىكتىڭ توقتاۋ جولى ۇزارادى.