قىركۇيەك ايىنىڭ سوڭىندا شەكارا قىزمەتى اتاش اۋىلىنداعى جەكە ءۇيدىڭ بىرىندە توڭازىتقىشقا جاسىرىلعان 215 كەلى بەكىرە تۇقىمداس بالىقتى تاپتى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
اتالعان فاكت بويىنشا تۇپقاراعان اۋداندىق پوليتسيا ءبولىمى قر قك 339-بابىنىڭ 3-بولىگى «وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ» بويىنشا سوتقا دەيىنگى تەرگەپ-تەكسەرۋدى باستادى جانە ءتيىستى ساراپتامالاردى تاعايىندادى.