فۋتبولدان قازاقستان قۇراماسىنىڭ باس باپكەرى تالعات بايسۋفينوۆ 2022 جىلعى الەم چەمپيوناتىنىڭ ىرىكتەۋ كەزەڭىندە بوسنيا جانە گەرتسەگوۆينامەن بولعان ماتچتى (2:0) قورىتىندىلادى, دەپ حابارلايدى Egemen.kz قفف-قا سىلتەمە جاساپ.
- شومكو مەن ۆوروگوۆسكي - جاقسى ويىنشىلار, بىراق ءبىز تۋرا سولاردىڭ قاپتالىنان گول جىبەرىپ الدىق. لوگۆينەنكونىڭ دا قاتەلىگى بولدى. جاعدايدىڭ بۇلاي وربۋىنە نە سەبەپ؟
- ءسىز ءبىرىنشى گول تۋرالى ايتىپ وتىرسىز با؟ ءيا, ءبىز جىگىتتەرگە ءۇزىلىس كەزىندە قارسىلاسقا كوپ ۋاقىت بەرمەۋ كەرەكتىگىن جانە پاس شىعارۋعا مۇمكىندىك بەرمەڭدەر دەپ ايتتىق. العاشقى گول كەزىندە ءبىزدىڭ قاقپاشى ستاس تا ءوز ورنىندا بولمادى. بىزدە تەك وسى قاپتالدا عانا ەمەس, وڭ قاپتالدا دا قيىندىقتار بولدى. بۇل ءبىر ادامنىڭ قاتەلىگى دەپ ايتپايمىن. مەندە تالداۋ جاساۋعا ۋاقىت بولادى. مەن جىگىتتەرمەن سويلەسەمىن. مەنىڭشە, بوسنيا بىزگە شابۋىل ۇيىمداستىرۋعا ۋاقىت بەردى. ءبىز ويىندى جاقسى باستادىق. ال ءۇزىلىس كەزىندە مەن ولاردان: «نەگە قورقاسىڭدار؟» دەپ سۇرادىم. بىراق بۇل تۋرالى كەيىنىرەك سويلەسەيىك. ءبىز ءبىرىنشى نومىرمەن ويناۋعا ءالى دايىن ەمەسپىز. بۇل فۋنكتسيونالدى جاتتىعۋلارعا عانا بايلانىستى ەمەس. مەنىڭ ويىمشا, بۇل پسيحولوگيا مەن مەنتاليتەتكە تىكەلەي قاتىستى. ءبىزدىڭ باسىمىزدا قارسىلاس ءبىرىنشى نومىرمەن ويناۋعا مۇمكىندىك بەرمەيدى دەگەن وي قالىپتاسىپ قالعان. جىگىتتەرمەن سويلەسىپ, وسى جاعدايدى تالقىلاۋ كەرەك.
- پسيحولوگ شاقىرۋ كەرەك پە, الدە ءوزىڭىز شەشە الاسىز با؟
- پسيحولوگ نە ىستەيدى؟ ول سىزگە تاكتيكا تۋرالى ايتپايدى. ءبىز ۇنەمى ەكىنشى نومىردە وينايمىز. ال ەندى قارسىلاس بوس كەڭىستىك بەرۋدە. جاتتىعۋدا ءبىز وسى ساتتەر بويىنشا جۇمىس ىستەيمىز, ال ويىندا اسىعامىز.