سينگاپۋردا روبوت-پوليتسەي ىسكە قوسىلدى. «حاۆەر» ەسىمدى قۇلتەمىر, قالا كوشەلەرى مەن عيماراتتارىنداعى ءتارتىپتىڭ ساقتالۋىن قاداعالايدى, دەپ حابارلايدى Egemen.kz.
يننوۆاتسيالىق قۇرالدى ەلدىڭ عىلىم جانە تەحنولوگيا اگەنتتىگى جاساپ شىعارعان. ءتورت دوڭگەلەكپەن قوزعالاتىن روبوت-پوليتسەيدىڭ جەتى كوزى, ياعني كامەراسى بار.
بيلىك وكىلدەرىنىڭ ايتۋىنشا, وسىنداي 2 قۇلتەمىر قىركۇيەك ايىندا جۇمىسقا كىرىسكەن. ساقشى روبوتتار «موتوتسيكلدى جولعا قويماڭىز», «جاياۋ جۇرگىنشىگە جول بەرىڭىز» دەگەن سياقتى ەسكەرتۋلەردى داۋىستاپ ايتىپ جۇرەدى. سونداي-اق «حاۆەر» رۇقسات ەتىلمەگەن ورىندا تەمەكى شەكپەۋ جانە اراقاشىقتىق ساقتاۋ, كوپ ادام جينالماۋ تۋرالى, كوروناۆيرۋس تالاپتارىنىڭ ساقتالۋىن دا باقىلايدى.
ۇيىمداستىرۋشىلاردىڭ مالىمدەۋىنشە, الداعى ۋاقىتتا روبوت-پوليتسەيدىڭ سانى كوبەيۋى مۇمكىن.