وتكەن ەكى تاۋلىكتە شەكتەۋ شارالارىن ەلەمەگەن 10 مەكەمە جاۋاپكەرشىلىككە تارتىلدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
الماتى اۋدانىندا ورنالاسقان قوشقارباەۆ كومپيۋتەرلىك كلۋبىندا, «اراسان» ساۋناسىندا, «ACE Kiber arena» كومپيۋتەرلىك كلۋبىندا بەلگىلەنگەن جۇمىس ءتارتىبى ساقتالماعان.
ءتارتىپ بۇزۋشىلار تىزىمىنە ەسىل اۋدانىنىڭ ءۇش مەكەمەسى – «مياتا» لاۋندج-بارى, «پاناەحالي» بارى جانە «Lavash Food» فاست فۋد پۋنكتى كىردى.
بايقوڭىر اۋدانىندا «مياتا» جانە «Barrus» بارلارى كارانتين تالاپتارىن ەلەمەدى.
شەكتەۋ شارالارى سارىارقا اۋدانىنداعى ت.شەۆچەنكو كوشەسىندەگى «ارۋجان» كافەسى مەن Business Hall-دا دا بۇزىلدى.
ءتارتىپ بۇزۋشىلارعا قاتىستى بارلىق جينالعان ماتەريالدار ءتيىستى اكىمشىلىك شارالار قابىلداۋ ءۇشىن سانيتاريالىق-ەپيدەميولوگيالىق باقىلاۋ سالاسىنداعى ۋاكىلەتتى ورگانعا بەرىلدى.