9 جانە 10 قازاندا ەلورداداعى «حان شاتىر» سوو جانىنداعى الاڭدا پاۆلودار وبلىسى تاۋار وندىرۋشىلەرىنىڭ قاتىسۋىمەن كەزەكتى اۋىل شارۋاشىلىعى جارمەڭكەسى وتەدى, دەپ حابارلايدى Egemen.kz.
اۋىل شارۋاشىلىعى جارمەڭكەسىنە پاۆلودار, اقسۋ, ەكىباستۇز قالالارىنىڭ, وبلىستىڭ اۋىلدىق جەرلەرىنىڭ تاۋار وندىرۋشىلەرى, سونداي-اق نۇر-سۇلتان قالاسىنىڭ كاسىپكەرلەرى قاتىسادى. اتالعان ءوڭىر ەلورداعا 200 ملن تەڭگەدەن استام سوماعا 520 توننا ءونىم, ونىڭ ىشىندە ەت, ەت-ءسۇت, باكالەيا ونىمدەرى, كارتوپ, كوكونىس اكەلەدى. پاۆلودارلىق كاسىپورىندار نۇر-سۇلتان تۇرعىندارىنا وندىرۋشىلەر باعاسى بويىنشا ازىق-ت ۇلىكتىڭ كەڭەيتىلگەن اسسورتيمەنتىن ۇسىنادى.
كارتوپ, قىرىققابات, ءسابىز – «اقتوعاي اگرو» جشس, «تيمۋر», «انداس», «ماياك», «زاريا» شارۋا قوجالىقتارى, ەت - «گاليتسكوە» جشس, «پوبەدا» جشس, «تابىس» شق, «لۋگانسك» وك, «اقجار-ءوندىرىس» جشس. برەندتەرى رەسپۋبليكا بويىنشا جانە ودان تىس جەرلەردە تانىمال «رۋبيكوم» جشس, «كەممي» جشس, ء«سۇت» اق, «مولكوم پاۆلودار» جشس, «كرەندەل» جشس كاسىپورىندارى ءوز ونىمدەرىن ۇسىنادى. جارمەڭكە سانيتارلىق نورمالار مەن كارانتين تالاپتارىن ساقتاي وتىرىپ وتكىزىلەدى.
ەستەرىڭىزگە سالا كەتەيىك, ەلوردادا وسى جىلى الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ ماقساتىندا كوكونىستەر مەن جەمىستەردىڭ ءپىسۋ مەرزىمىن ەسكەرە وتىرىپ, 14 جارمەڭكە وتكىزۋ جوسپارلانعان. اۋىل شارۋاشىلىعى وڭىرلىك جارمەڭكەلەرىنىڭ ماۋسىمى نۇر-سۇلتاندا 31 قازانعا دەيىن جالعاسادى. 21 تامىزدان باستاپ ەلورداداعى جارمەڭكەلەردە تۇركىستان, باتىس قازاقستان, شىعىس قازاقستان, قىزىلوردا, الماتى, اتىراۋ, جامبىل, اقتوبە جانە قاراعاندى وبلىستارىنىڭ اۋىلشارۋاشىلىق تاۋار وندىرۋشىلەرى ءوز ونىمدەرىن ۇسىندى.