قۇرلىقتىق حوككەي ليگاسىنىڭ (قحل) كەزەكتى تۋرىندا نۇر-سۇلتاننىڭ «بارىسى» ومبىنىڭ «اۆانگاردىن» قابىلدادى.
ءبىراز ۋاقىتتان بەرى جەڭىلىستەن باس كوتەرمەي, جارىس كەستەسىندەگى جاعدايىن ابدەن قيىنداتىپ العان جەرلەستەرىمىزگە بۇل جولى جەڭىس اۋاداي قاجەتى ەدى. سول ماقساتقا قول جەتكىزۋ ءۇشىن ولار وسى جولى بارىن سالدى. بىراق «اۆانگاردتىڭ» ويىنشىلارى دا وڭايلىقپەن بەرىلە قويمايتىنىن ءاۋ باستا-اق اڭعارتىپ, قاتتى قارسىلىق كورسەتتى. ناتيجەسىندە قوس كوماندا ۇزاق ۋاقىت بويى ءبىر-ءبىرىن الا المادى. ءبىرىنشى جانە ەكىنشى كەزەڭدە ولار ابدەن ارپالىستى. بىراق ەسەپ اشىلعان جوق. تەك كەزدەسۋدىڭ 54-مينۋتىندا نيكيتا ميحايليس قارسىلاستار قاقپاسىنان ساڭلاۋ تاپتى – 1:0. ال ودان كەيىن تابلوداعى ەسەپ وزگەرگەن جوق.
وسىلايشا, قاتارىنان ءۇش باسەكەدە جەڭىلىس تاپقان ەلوردالىق حوككەيشىلەر وسى ماتچتا ءوز جانكۇيەرلەرىن ءبىر قۋانتىپ تاستادى.