ماسكەۋدە كوركەم گيمناستيكادان حالىقارالىق Olympico Cup 2021 ءتۋرنيرى اياقتالدى, دەپ جازادى Egemen.kz.
حالىقارالىق سىن يرينا ۆينەر-ۋسمانوۆا اتىنداعى كوركەم گيمناستيكا سارايىندا ءوتتى. كوپسايىس قورىتىندىسى بويىنشا توكيو وليمپياداسىنىڭ كۇمىس جۇلدەگەرى دينا اۆەرينا جەڭىسكە جەتتى. ەكىنشى ورىندا ونىڭ سىڭارى ارينا اۆەرينا يەلەندى.
ال قازاقستاندىق ەلجانا تانيەۆا ءۇشىنشى ورىنعا تابان تىرەدى.
«بۇل قازىرگى تاڭدا ماسكەۋدەگى ۆينەر اكادەمياسىندا جاتتىعاتىن ەلجانانىڭ تىرناقالدى تابىستارىنىڭ ءبىرى», دەپ جازادى ۇوك ءباسپاسوز قىزمەتى.
ايتا كەتەيىك, قازاقستان كومانداسىنىڭ باس باپكەرى ءاليا يۋسۋپوۆانىڭ باستاماسىمەن وتاندىق ەكى گيمناست ەلجانا تانيەۆا مەن سابينا باكاتوۆا رەسەيدەگى يرينا ۆينەر-ۋسمانوۆا اكادەمياسىندا جاتتىعىپ جاتىر.