قازاقستان مۇسىلماندارى ءدىني باسقارماسىنىڭ توراعاسى – باس ءمۋفتيدىڭ ورىنباسارى, نايب ءمۇفتي, PhD, تەولوگ ەرشات وڭعاروۆ كوروناۆيرۋسقا قارسى قازاقستاندىق «QazVac» ۆاكتسيناسىنا «حالال دامۋ» جشس سەرتيفيكاتىن تابىس ەتتى, دەپ حابارلايدى Egemen.kz.
بۇدان بۇرىن «QMDB Halal» ستاندارتى بويىنشا «QazVac» ۆاكتسيناسىن سەرتيفيكاتتاۋ ماقساتىندا قمدب وكىلدەرى: نايب ءمۇفتي ەرشات اعىباي ۇلى; «حالال دامۋ» ديرەكتورى ايبەك اسقاربەك ۇلى; شاريعات جانە ءپاتۋا ءبولىمىنىڭ مامانى باۋىرجان ابدۋالي جانە تەحنولوگ, مەديتسينالىق مامان ايزات ساتاەۆا ينستيتۋتتا بولىپ, «OtarBioPharm» بيوفارتسەۆتيكالىق زاۋىتىندا «QazVac» ۆاكتسيناسىن ءوندىرۋدىڭ تەحنولوگيالىق ۇدەرىسىمەن مۇقيات تانىسقان بولاتىن.