ەلورداداعى «استىقجان» ساۋدا ورتالىعىنداعى ءورت ءسوندىرىلدى

«ەلوردالىق ءورت سوندىرۋشىلەردىڭ كۇشىمەن «استىقجان» ساۋدا ورتالىعنىداعى ءورت ءسوندىرىلدى. الدىن الا ەسەپ بويىنشا, جالن شارپىعان اۋماق 14 مىڭ شارشى مەترگە جەتكەن. ەستەرىڭىزگە سالساق, بۇگىن, 2021 جىلعى 2 قازاندا ساعات 09. 42-دە نۇر-سۇلتان قالاسىنىڭ توتەنشە جاعدايلار دەپارتامەنتى ءورت ءسوندىرۋ بولىمشەلەرى ءال-فارابي داڭعىلى, 28 مەكەن-جايى بويىنشا ءورت تۋرالى كەلىپ تۇسكەن حابارلاما بويىنشا شۇعىل اتتانعان بولاتىن», دەپ جازادى نۇر-سۇلتان قالاسى توتەنشە جاعدايلار دەپارتامەنتىنىڭ ءباسپاسوز قىزمەتى.

ءورتتى سوندىرۋگە جەرگىلىكتى دەپارتامەنتتىڭ كۇشتەرى مەن قۇرالدارى – 105 ادام 26 بىرلىك تەحنيكا, كوممۋنالدىق قىزمەتتىڭ 8 ماشيناسى جۇمىلدىرىلدى.

ء«ورت ءسوندىرۋ بولىمشەلەرى كەلگەنگە دەيىن 2-قاباتتىڭ تەرەزەسىنەن 2001 جىلى تۋعان قىز ورتتەن قۇتقارىلدى. ونىڭ «ۋنيۆەرسال» جيھاز تسەحىنىڭ قىزمەتكەرى ەكەنى انىقتالدى. قۇتقارىلعان قىز جەدەل جاردەم قىزمەتكەرلەرىنە بەرىلدى, جاعدايى ورتاشا اۋىر دارەجەدە», دەلىنگەن دەپارتامەنتتىڭ مالىمەتىندە.