وسكەمەن قالاسىندا اۋقىمدى رەكونسترۋكتسيالاۋ جۇمىستارى جۇرگىزىلگەن اۋەجاي قايتا اشىلدى, دەپ حابارلايدى Egemen.kz.
شقو اقپارات ورتالىعىنىڭ مالىمەتىنە سۇيەنسەك, سوڭعى 5 اي بويى جابىق تۇرعان وسكەمەن اۋەجايى 1 قازاندا ءوز جۇمىسىن باستادى. تاڭەرتەڭنەن اۋەجايدان الماتى مەن نۇر-سۇلتان قالالارىنا ۇشاقتار ۇشتى.
«نۇرلى جول» مەملەكەتتىك باعدارلاماسى اياسىندا ۇشۋ-قونۋ جولاعى كۇردەلى جوندەۋدەن ءوتتى. سونداي-اق جولاقتى ۇزارتۋ جانە كەڭەيتۋ بويىنشا جۇمىستار جۇرگىزىلگەن.
«مەردىگەرلەر ۇشۋ-قونۋ جولاعىنداعى اسفالتبەتون جامىلعىسىن تولىعىمەن اۋىستىرىپ, ونى ءبىرشاما ۇلعايتتى. ەندى ۇزىندىعى 2800 مەتر, ەنى 60 مەتردى قۇرايدى. مۇنداي پارامەترلەر اۋەجايعا ءىرى حالىقارالىق رەيستەردى قابىلداۋعا مۇمكىندىك بەرەدى. ۇشۋ-قونۋ جولاعىن جارىقتاندىراتىن جابدىقتاردىڭ جاڭا زاماناۋي جۇيەسىنىڭ ورناتىلۋى دا اسا ماڭىزدى بولىپ وتىر», دەدى «وسكەمەن اۋەجايى» اق پرەزيدەنتى نيكولاي كورولەنكو.
ونىڭ ايتۋىنشا, اۋە ايلاعىندا مۇنداي اۋقىمدى جۇمىستار سوڭعى رەت 1996 جىلى جۇرگىزىلگەن.