جاقىندا اقتوبە وبلىستىق تەلەكوممۋنيكاتسيا ديرەكتسياسى عيماراتىندا بەس اۋداندىق وندىرىستىك تەلەكوممۋنيكاتسيا تورابىنىڭ وكىلدەرىنە سۋ جاڭا اۆتوكولىكتەردىڭ كىلتتەرى تاپسىرىلدى. اۆتوكولىكتەر وندىرىستىك ۇدەرىستىڭ ساپاسىن ارتتىرۋ جانە ابونەنتتەرگە جەدەل قىزمەت كورسەتۋ ماقساتىندا ساتىپ الىنعان. اۋىلدار اراسىنداعى ويقى-شويقى جولداردا جاقسى جۇرەتىن «ۋاز» ماركالى جەڭىل اۆتوكولىكتەردىڭ كىلتتەرى قولدارىنا تيگەن اۋدانداردان كەلگەن توراپ قىزمەتكەرلەرىنىڭ قۋانىشتارىندا شەك جوق. ەندى ولار اۋا رايىنىڭ قانداي جاعدايىندا دا ساپالى بايلانىس قىزمەتىن قامتاماسىز ەتە الادى.
اقتوبە وبلىستىق تەلەكوممۋنيكاتسيا ديرەكتسياسىنىڭ ءىس باسقارۋشىسى دانىشپان كوپجاساروۆتىڭ ايتۋىنشا, سوڭعى ەكى جىل ىشىندە كاسىپورىننىڭ اۆتوكولىك شارۋاشىلىعىنا قارقىندى جاڭارتۋ جۇرگىزىلگەن, بۇل ديرەكتسيانىڭ وندىرىستىك كورسەتكىشتەرىنە وڭ ىقپال ەتكەن كورىنەدى. قازىر بارلىق اۋداندىق توراپتار كولىكتەرمەن تولىق قامتاماسىز ەتىلگەن. ديرەكتسيا بىرتىندەپ بارلىق ەسكى اۆتوكولىكتەردى جاڭاسىنا اۋىستىرىپ جاتىر. مىسالى, بىلتىر – 17, بيىل 5 كولىك ساتىپ الىنعان ەكەن. ۇستىمىزدەگى جىلدىڭ اياعىنا دەيىن تاعى بىرنەشە كولىك ساتىپ الۋ كوزدەلۋدە. بۇل كاسىپورىننىڭ تۇرعىندارعا قىزمەت كورسەتۋ ساپاسىن بۇرىنعىدان اناعۇرلىم ارتتىرۋعا ىقپال ەتەدى دەپ كۇتىلۋدە.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.