ەلباسى ن.نازارباەۆتىڭ حالىققا ارناعان جولداۋى وبلىس باستاۋىش پارتيا ۇيىمدارى اراسىندا كەڭ قولداۋ تاۋىپ وتىر. نۇروتاندىقتار جينالىستاردا ءبىلىم بەرۋ, دەنساۋلىق ساقتاۋ, اسىراۋشىسىنان ايىرىلعان مۇگەدەكتىك بويىنشا الەۋمەتتىك ءجاردەماقى الۋ, ونىڭ مولشەرىن كوبەيتۋ, اۋىل شارۋاشىلىعىن, كاسىپكەرلىكتى دامىتۋ ماسەلەلەرى بويىنشا جان-جاقتى تالقىلاۋلار ۇيىمداستىردى.
سىندارلى پىكىر الىسۋلار «مامبەتوۆ جانە ك» كومانديتتىك سەرىكتەستىگى جانىنان قۇرىلعان باستاۋىش پارتيا ۇيىمىندا ءوتتى. ۇيىم جەتەكشىسى ەركەبۇلان مامبەتوۆ ءوز سوزىندە اگروونەركاسىپ كەشەنىن يننوۆاتسيالىق باعىتقا ءتۇسىرۋ, شاعىن جانە ورتا بيزنەس تۇرىندەگى جاڭا وڭدەۋ كاسىپورىندار جەلىسىن قۇرۋ, شارۋا قوجالىقتارىن قارجىلاندىرۋ جايلارىنا كەڭىنەن توقتالدى. ول سەرىكتەستىكتەن ناقتى مىسالدار كەلتىرە وتىرىپ, مال شارۋاشىلىعىن وركەندەتۋگە بيزنەستى نەسيە ارقىلى قولداۋعا قولايلى جاعدايلار تۋعىزىلعانىن اتاپ ءوتتى. اۋىلدىق جەرلەردەگى ساپالى ءبىلىم ماسەلەسى نۇروتاندىقتاردىڭ نازارىنا الىنۋى ءتيىس. ەلباسىنىڭ بالالاردى مەكتەپكە دەيىنگى بىلىممەن 100 پايىز قامتۋ, وقۋشىلاردىڭ سىندارلى ويلاۋ, وزىندىك ىزدەنىس پەن اقپاراتتى تەرەڭ تالداۋ ماشىعىن يگەرۋ جونىندەگى تاپسىرمالارىنا جۇمىلا اتسالىسۋىمىز كەرەك, دەدى جيىندا سويلەۋشىلەر.
«ريەلت سەرۆيس» جشس باستاۋىش پارتيا ۇيىمىنىڭ مۇشەلەرى مۇگەدەكتەردى قولداۋ, سىبايلاس جەمقورلىقپەن كۇرەس, مەديتسينانى دامىتۋ جايلارىن كەڭىنەن ءسوز ەتتى. مەن كاسىپكەر رەتىندە شاعىن جانە ورتا بيزنەستى دامىتۋعا ارنالعان بلوگىنا ەرەكشە نازار اۋدارعىم كەلەدى. بۇل ماسەلەگە جولداۋدا ەرەكشە ءمان بەرىلىپ, ءححى عاسىرداعى قازاقستاندى يندۋستريالىق جانە الەۋمەتتىك جاڭعىرتۋدىڭ باستى قۇرالى رەتىندە اتالدى. ەل ەكونوميكاسىندا ونىڭ ۇلەسى ارتقان سايىن دامۋىمىز دا ورنىقتى بولا تۇسەتىنىن كۇندەلىكتى تاجىريبە كورسەتىپ وتىر. جاھاندىق رەيتينگكە سايكەس, بيزنەستى جۇرگىزۋگە ەڭ قولايلى جاعدايى بار ەلدەر توبىنا كىرۋىمىز بۇل ءۇردىستى كەڭىنەن ورىستەتۋگە زور مۇمكىندىكتەر بەرەدى. مىندەتتى مەديتسينالىق ساقتاندىرۋدى ەنگىزۋ جايى تىكەلەي جۇمىس بەرۋشىلەرگە دە, قىزمەتكەرلەرگە دە ۇلكەن جاۋاپكەرشىلىك جۇكتەيدى, دەدى جشس ديرەكتورى سايران حامزين جينالعاندارعا ارناعان سوزىندە.
ەڭ اۋقىمداعى مۇنداي تالقىلاۋلار اۋدانداردا دا ۇيىمداستىرىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.