الداعى ءۇش كۇندە بىرنەشە وڭىردە ۇسىك جۇرەدى

1 قازاندا سولتۇستىك قازاقستان وبلىسىندا باتىستان, سولتۇستىك-باتىستان جەل سوعادى, كۇشى 15-20 م/س, وبلىستىڭ وڭتۇستىك-شىعىسىندا ەكپىنى 23 م/س كۇتىلەدى.

قاراعاندى وبلىسىنىڭ سولتۇستىگىندە, شىعىسىندا كوكتايعاق كۇتىلەدى. تۇندە جانە تاڭەرتەڭ وبلىستىڭ سولتۇستىگىندە تۇمان ءتۇسۋى مۇمكىن.

قاراعاندى ق.: تۇندە جانە تاڭەرتەڭ 01 قازاندا تۇمان كۇتىلەدى.

قىزىلوردا وبلىسىنىڭ سولتۇستىگىندە تۇندە 3 گرادۋس ۇسىك جۇرەدى.

اقمولا وبلىسىنىڭ وڭتۇستىك جارتىسىندا تۇندە جانە تاڭەرتەڭ تۇمان, كوكتايعاق بولادى. وبلىستىڭ سولتۇستىگىندە, شىعىسىندا سولتۇستىك-باتىستان, باتىستان جەل سوعادى, ەكپىنى 15-20 م/س جەتەدى.

1-3 قازان ارالىعىندا قىزىلوردا وبلىسىنىڭ, ماڭعىستاۋ وبلىسىنىڭ سولتۇستىگىندە 3  گرادۋس ۇسىك جۇرەدى.

01 قازاندا الماتى وبلىسىنىڭ وڭتۇستىگىندە جانە شىعىسىندا باتىستان جەل سوعادى, ەكپىنى 17-22 م/س كۇتىلەدى.

2-3 قازاندا تۇركىستان وبلىسىنىڭ تاۋلى جانە تاۋ بوكتەرلى اۋداندارىندا جاۋىن-شاشىن (جاڭبىر باسىمىراق) جاۋادى, تاۋدا جاڭبىر قارعا ۇلاسادى. سولتۇستىك-شىعىستان جەل سوعادى, تاۋلى اۋدانداردا جانە وبلىستىڭ سولتۇستىگىندە كۇشى 15-20 م/س. 2-4 قازاندا تۇندە وبلىستىڭ سولتۇستىگىندە, تاۋلى جانە تاۋ بوكتەرلى  اۋدانداردا 2 گرادۋس ۇسىك كۇتىلەدى.

تۇندە 1-3 قازاندا اتىراۋ وبلىسىنىڭ سولتۇستىگىندە 3 گرادۋسقا دەيىن ۇسىك جۇرۋى مۇمكىن.