بۇل تۋرالى رەسەي پرەزيدەنتى ۆلاديمير پۋتين قازاقستان مەن رەسەيدىڭ XVII وڭىرارالىق ىنتىماقتاستىق فورۋمىندا ايتتى, دەپ جازادى Egemen.kz.
ء«بىز بۇگىن قازاقستان مەن رەسەيدىڭ وڭىرارالىق ىنتىماقتاستىق فورۋمىن 17-مارتە وتكىزىپ وتىرمىز. بىلتىر پاندەمياعا قاتىستى فورۋم ۇيىمداستىرۋعا مۇمكىندىك بولمادى. وسى فورۋم بارىسىندا دا ماڭىزدى ماسەلەلەر تالقىلاناتىنا سەنىمدىمىن. ءبىزدىڭ ەلدەر اراسىندا ساۋدا-ينتەگراتسيالىق ىنتىماقتاستىق جاقسى دامىعان. بيىلعى 7 ايدا ەكىجاقتى تاۋار اينالىمى 34 پايىزعا ۇلعايىپ, 14 ملرد دوللاردى قۇرادى. جىل قورىتىندىسى ساۋدا اينالىمى 20 ملرد دوللارعا جەتىپ, رەكوردتىق كورسەتكىش ورناتادى دەپ بولجانىپ وتىر», دەدى پۋتين.
رەسەي باسشىسى اتاپ وتكەندەي, بۇل وڭىرارالىق ىنتىماقتاستىق ناتيجەسى.
«سوڭعى كەزدە بيزنەس وكىلدەرى مەن دەلەگاتسيا الماسۋ بەلسەندى تۇردە جۇزەگە اسىرىلىپ جاتىر. بيىل دا ول ءداستۇر جالعاساتىنىنا سەنىمدىمىن. بۇل فورۋمدا بىرقاتار ماڭىزدى كەلىسىمشارتتارعا قول قويىلادى. وڭىرارالىق ىنتىماقتاستىق بويىنشا 2023 جىلعا دەيىن بىرلەسكەن باعدارلامالار جۇزەگە اسىرىلماق. بۇگىندە ەكولوگيا ماسەلەسى ترەندتە تۇر. قازاقستان مەن رەسەي ءۇشىن دە بۇل ماسەلە وتە ماڭىزدى», دەدى پۋتين.