اقكول اۋدانىندا بيىلعى كوكتەمگى دالا جۇمىستارىنا 17 جاۋاپكەرشىلىگى شەكتەۋلى سەرىكتەستىك پەن 87 شارۋا قوجالىعى قاتىسادى. اگلومەراتسيالىق ايماقتا ورنالاسقان ءوڭىر ۇستىمىزدەگى جىلى 140 مىڭ گەكتاردىڭ ءداندى داقىلدارى مەن كوپجىلدىق ەكپە ءشوپ القابىن كۇتىپ-باپتايتىن بولادى. مۇندا جاڭا تەحنولوگيانى ەندىرىپ, اۋىل شارۋاشىلىعىن ارتاراپتاندىرۋعا ايرىقشا نازار اۋدارىلىپ وتىر.
جاۋاپكەرشىلىك جۇگىن ايقىن سەزىنەتىن ديقاندار قاۋىمى ەرتەڭگى قاربالاس ناۋقانعا تياناقتى دايىندىق جاسادى. جوعارى ساپالى تۇقىم قورى جاساقتالىپ, قىسقى اگروتەحنيكالىق شارالار تياناقتى جۇرگىزىلۋدە. مەملەكەت تاراپىنان مينەرالدى تىڭايتقىشتار مەن زيانكەستەرگە قارسى دارىلەر جەتكىلىكتى قورلانعان. اۋداننىڭ 12 شارۋاشىلىعىندا تەحنيكالار تۇگەلگە جۋىق جاڭارتىلعانىن ۇلگى ەتىپ كورسەتۋگە بولادى. ال وزات شارۋاشىلىقتار قاتارىنداعى «نوۆورىبينسكي جانە ك» جشس بۇل ماقساتقا 370 ميلليون تەڭگە قارجى جۇمساپ وتىر.
وسى رەتتە اقكول اۋدانى «ازىق-ت ۇلىك كەلىسىمشارت كورپوراتسياسى» اكتسيونەرلىك قوعامى تاراپىنان الىنعان نەسيە قارجىسىنىڭ ءجۇز پايىزدىق قايتارىمىن قامتاماسىز ەتكەن ءوڭىر ەكەندىگىن ايتا كەتكەن ءجون.
باقبەرگەن امالبەك,
«ەگەمەن قازاقستان».
اقمولا وبلىسى.