قاقتىعىس ايماعىندا قازا تاپقان گرۋزيالىق ۇشقىش دجيمشەر مايسۋرادزەنىڭ قابىرىنە ورناتىلعان مي-24 تىكۇشاعى كوپتەگەن جىلدار بويى جەرگىلىكتى جانە شەتەلدىك تۋريستەردىڭ نازارىن اۋدارىپ كەلەدى, دەپ جازادى Egemen.kz.
مايسۋرادزەنى تۋعان جەرى لاگودەحي ايماعىنداعى دجوردجەتي اۋىلىندا جەرلەگەن. ونىڭ قابىرىنە 9 توننالىق مي-24 تىكۇشاعى ورناتىلعان.
تىكۇشاقتى 1993 جىلى ارىپتەستەرى مايسۋرادزەنىڭ زيراتىنا ارنايى جەتكىزىپتى.
پرەزيدەنت ەدۋارد شيۆاردنادزەنىڭ شەشىمى بويىنشا ۇشقىش قايتىس بولعاننان كەيىن I دارەجەلى ۆاحتانگ گورگاسالي وردەنىمەن ماراپاتتالدى.
ۇشقىشتىڭ باۋىرى دميتري مايسۋرادزە جۋرناليستەرگە دجيمشەر بالا كەزىنەن ۇشقىش بولۋدى ارمانداعانىن ايتتى.
«مەكتەپتى بىتىرگەننەن كەيىن ول رەسەي ۇشۋ اكادەمياسىنا تۇسۋگە اتتاندى», دەپ ەسكە الادى مايسۋرادزە.
80-ءشى جىلداردىڭ سوڭىندا دجيمشەر تۋعان جەرگە ورالىپ, گرۋزيا اۋە كۇشتەرى قاتارىنا قوسىلادى. ۇشقىش ابحاز قاقتىعىسى كەزىندە كوپتەگەن وپەراتسيالارعا قاتىسقان.
«ول قۇتقارۋ جۇمىستارىنا دا قاتىسىپ, كوپتەگەن ادامداردىڭ ءومىرىن ساقتاپ قالدى. 1992 جىلى 26 جەلتوقساندا قارسىلاستار اعامنىڭ تىكۇشاعىن اتىپ ءتۇسىردى. ول ءسويتىپ قايتىس بولدى», دەيدى باۋىرى.
ونىڭ ايتۋىنشا دجيمشەر قايتىس بولعاننان كەيىن پرەزيدەنت جارلىعىمەن ۆاحتانگ گورگاسالي I وردەنىمەن ماراپاتتالعان جانە تاۋەلسىز گرۋزيانىڭ العاشقى ۇشقىش-باتىرى رەتىندە تاريحتا قالعانىن اتاپ ءوتتى.
ءبىر كەزدەرى دجيمشەر مايسۋرادزە ەل پرەزيدەنتى شيۆاردنادزەنى دە اجالدان امان الىپ قالعان. مەملەكەت باسشىسى مىنگەن تىكۇشاققا وق اتىلعان. بىراق تاجىريبەلى ۇشقىش قاۋىپتى ايماقتان سوڭعى ساتتە سىتىلىپ شىققان.
ۇشقىشتىڭ بەيىتىنە جىل سايىن جەرگىلىكتى جانە شەتەلدىك تۋريستەر مەن باق وكىلدەرى بارىپ تۇرادى.