وبلىستا «قولجەتىمدى تۇرعىن ءۇي-2020» باعدارلاماسى بويىنشا 115 مىڭ شارشى مەتر تۇرعىن ءۇي پايدالانۋعا بەرىلدى. بۇل 1400 وتباسى پاتەر يەلەندى دەگەن ءسوز. جىل باستالماي جاتىپ جەرگىلىكتى جەرلەردە قونىس تويلارى جالعاسىن تابا باستادى. سولاردىڭ ءبىرى تايىنشا اۋدانىندا اتالىپ ءوتتى. سالتاناتتى شاراعا ايماق باسشىسى سامات ەسكەندىروۆ قاتىسىپ, مەملەكەتتىك باعدارلامانىڭ ءبىرىنشى باعىتى شەڭبەرىندە كەزەكتە تۇرعان تۇرعىندارعا پاتەر كىلتتەرىن تابىس ەتتى. ەلباسىنىڭ قولداۋى ارقاسىندا تۇرعىن ۇيلەر سالۋ ىسىنە زور ءمان بەرىلىپ وتىر. مۇنداي الەۋمەتتىك مۇمكىندىكتەرگە ەل ەكونوميكاسىنىڭ تۇراقتى دامۋى ارقاسىندا قول جەتكىزىپ وتىرمىز, دەدى ول ءوز سوزىندە.
سونىمەن, تايىنشا قالاسىنىڭ تۇرعىن ءۇي قورى جاڭادان بوي كوتەرگەن 74 پاتەرلى ەكى باسپانامەن تولىقتى. ولاردىڭ بىرىنە ۇلى وتان سوعىسىنىڭ ارداگەرلەرى, از قامتىلعان وتباسىلار, بيۋدجەت سالاسىنىڭ قىزمەتكەرلەرى مەن اتا-انانىڭ قاراۋىنسىز قالعان جاسوسپىرىمدەر قونىستاندى. باتىستاعى قاندى سوعىستىڭ شەڭگەلىنەن امان-ەسەن كەلىپ, بۇگىندە 100-گە اياق باسقان بالعوجا سۇلتانوۆ اقساقال مەملەكەت باسشىسىنا دەگەن ريزاشىلىعىن اقتارىلا ايتتى. بۇعان دەيىن بولاشاعى ب ۇلىڭعىر اۋىلدا تۇرىپ كەلگەن قاريا 8 ۇل-قىز ءوسىرىپ, 27 نەمەرە, 10 شوبەرەنى قىزىقتاپ كەلسە, ەندى جايلى باسپاناعا قول جەتكىزگەنىنە شۇكىرشىلىك ەتەدى. وق پەن وتتىڭ اراسىندا ءجۇرىپ, 3 رەت جارالانسام دا بەيبىت ءومىر تىرشىلىگىنەن قالعان جوقپىن, ءالى تىڭمىن, دەيدى قارت جاۋىنگەر ءازىل-شىنىن ارالاستىرا سويلەپ. اتا-اناسىنان ەرتە جەتىم قالعان فاريد جۇسىپوۆكە ءبىر بولمەلى پاتەر ءتيدى. ءبىلىم سالاسىندا قىزمەت اتقاراتىن چەرنيەۆسكيلەر وتباسى كەزەكتە 5 جىل تۇرىپ كەلگەن.
«جاس وتباسى» باعدارلاماسى بويىنشا باسپانا العان 24 جاس شاڭىراق يەلەرىنىڭ دە قۋانىشتارىندا شەك بولمادى. كەڭ سارايداي 3 بولمەلى پاتەر تيگەن قايىر قاپپاسوۆ «اگروبيزنەس» كوللەدجىندە, زايىبى سەس مەكەمەسىندە ەڭبەك ەتەدى ەكەن. ەندى, مىنە, جاس مامان باعدارلاماسى اياسىندا 4 جىلدىڭ ىشىندە باستى مۇقتاجدىعى شەشىلگەنىنە سەنەر ەمەس ولار. ءساندى دە كورىكتى ەكى ءۇيدىڭ تۇرعىزىلۋىنا 800 ميلليون تەڭگە جۇمسالعان.
وبلىس باسشىسى ىرگەتاسى قالانىپ, قابىرعالارى تۇرعىزىلا باستاعان 50 پاتەرلى تۇرعىن ءۇيدىڭ قۇرىلىس بارىسىمەن تانىستى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.