ديزەل وتىنى جەتكىلىكتى مە؟

ۆيتسە-ءمينيستردىڭ ايتۋىنشا, سوڭعى 5 ايدا تۇتىنۋ كولەمى بىلتىرعى سايكەس كەزەڭمەن سالىستىرعاندا 480 مىڭ تونناعا جانە 2019 جىلداعى كەزەڭگە قاراعاندا 246 مىڭ تونناعا جوعارى بولدى.

«رەسپۋبليكا اۋماعىنداعى بولشەك ساۋدا باعاسى كورشى ەلدەرگە قاراعاندا ايتارلىقتاي تومەن. بۇل ءوز كەزەگىندە ترانزيتتىك كولىكتەردىڭ ديزەل وتىنىن ساتىپ الۋ كولەمىنىڭ ارتۋىنا جانە سىرتقا قاراي كەتۋىنە ىقپال ەتەدى. 2018 جىلى قازاقستان رەسپۋبليكاسى مەن رەسەي فەدەراتسياسى اراسىنداعى كوتەرمە باعانىڭ ايىرماشىلىعى تونناسىنا شامامەن 20-30 مىڭ تەڭگەنى قۇرادى. بۇل شەكارالىق وبلىستارداعى اۆتوكولىك جاعارماي قۇيۋ ستانسالارىنداعى ديزەل وتىنىن يمپورتتاۋعا مۇمكىندىك بەردى. قازىر كوتەرمە باعانىڭ ايىرماشىلىعى تونناسىنا 80-90 مىڭ تەڭگەنى قۇرايدى. رەسەيدە جاعارمايدىڭ كوتەرمە باعاسى الەمدىك مۇناي باعاسىنىڭ وسۋىمەن بىرگە ءوستى. ال قازاقستاندا بۇل كەزدە باعالار ءسال عانا وزگەردى. رەسەي فەدەراتسياسىنان ديزەل وتىنى سالىقسىز جەتكىزىلسە, قازاقستانعا يمپورت كەزىندە قازاقستاندىق قوسىلعان قۇن سالىعى جانە تونناسىنا 540 تەڭگە اكتسيز تولەنەدى», دەدى ۆيتسە-مينيستر.

تاياۋدا اتالعان ۆەدومستۆو رەسەيدىڭ ەنەرگە­تيكا مينيسترلىگىمەن شامامەن 100 مىڭ توننا كولەمىندە ديزەل وتىنى يمپورتىنىڭ قاجەتتى كولەمىن بولۋگە قاتىستى كەلىسسوزدەر جۇرگىزىپتى. اتاپ ايتقاندا, قازىر جاعارماي ستان­سالارىنىڭ ءىرى جەلىلەرى رەسەيلىك تاسىمالداۋشىلارمەن كەلىسسوزدەر جۇرگىزىپ جاتىر.

سونداي-اق ءا.ماعاۋوۆ قازان ايىنان باس­تاپ پاۆلودار مۇناي وڭدەۋ زاۋىتى جوس­پارلى جوندەۋ جۇمىستارىنا بايلانىستى توقتايتىنىن جەتكىزدى.

«1 قازاننان باستاپ پاۆلودار مۇناي-حيميا زاۋىتى جوسپارلى جوندەۋ جۇمىستارىنا بايلانىستى توقتايدى. بۇل جۇمىستار نەگىزىنەن شىلدەنىڭ سوڭى مەن تامىزدىڭ باسىندا جۇر­گىزىلۋگە ءتيىس ەدى. بىراق مۇناي ونىمدەرىنىڭ قورىن قۇرۋ ءۇشىن جوندەۋ جۇمىستارىن قازان ايى­نا شەگەرۋ تۋرالى شەشىم قابىلداندى. دەسەك تە ديزەل وتىنىن ساتىپ الۋ دەڭگەيى ايتار­لىقتاي ۇلعايىپ, وتىن قالدىقتارى 210 مىڭ تون­نا دەڭگەيىندە تۇر, بۇل شامامەن 11-12 كۇنگە جەتەدى», دەدى ەنەرگەتيكا ءمينيسترىنىڭ ورىنباسارى.

«قازمۇنايگاز» ۇك» اق مۇناي وڭدەۋ جانە مۇناي حيمياسى دەپارتامەنتىنىڭ ديرەكتورى دميتري ماكەەۆتىڭ ايتۋىنشا, 3 مۇناي وڭدەۋ زاۋىتىندا ديزەل وتىنىن ءوندىرۋدىڭ قازىرگى كولەمى تاۋلىگىنە 16 مىڭ توننا شاماسىندا.

«ەلىمىزدە ديزەل وتىنىن تۇتىنۋدىڭ وتە جوعارى دەڭگەيى ساقتالىپ وتىر. ناقتى ايت­قاندا, تاۋلىگىنە – 16,5 مىڭ توننا. 1 قازان­دا پاۆ­لودار زاۋىتى جوسپارلى جوندەۋ جۇمىس­تارىنا توقتايدى. بۇل رەتتە اتىراۋ جانە شىم­كەنت مۇناي وڭدەۋ زاۋىتتارىنىڭ ديزەل وتىنىن تاۋلىكتىك ءوندىرۋ كولەمى 9,5 مىڭ تون­ناعا جۋىقتايدى. قازاندا اتىراۋ زاۋىتى – 133 مىڭ توننا, ال شىمكەنت زاۋىتى 161 مىڭ توننا ديزەل وتىنىن وندىرەدى. پاۆلودار مۇ­ناي وڭدەۋ زاۋىتى جوندەۋگە توقتاعانعا دەيىن كاسىپ­ورىندا 27 مىڭ توننا كولەمىندە قور جيناق­تالادى. بۇعان قوسا اي-92 بەنزينىنە باي­لا­نىستى 45 مىڭ توننا جانە اي-95 بويىن­شا 2 مىڭ توننا مولشەرىندە قور جينالۋى ءتيىس. پاۆ­لودار مۇناي-حيميا زاۋىتىن ىسكە قوسۋ قازان ايى­نىڭ سوڭىنا جوسپارلانعان. تاۋارلىق ديزەل تاۋ­لىگىنە 6 مىڭ توننا كولەمىندە 28 قازان­نان باستاپ جونەلتىلە باستايدى», دەدى د.ماكەەۆ.

كومپانيا وكىلى ايتقانداي, پاۆلودارداعى زاۋىتقا كۇردەلى جوندەۋ جۇمىستارى 2018 جىلدان بەرى جۇرگىزىلمەگەن. تۇتاستاي العاندا, مۇناي وڭدەۋ زاۋىتتارىندا كۇردەلى جوندەۋ جۇمىستارى 3 جىلدا ءبىر رەت ىسكە اسىرىلادى, دەپ ناقتىلادى د.ماكەەۆ.