ەلىمىزدىڭ مەديا سالاسىنداعى باستى شاراداردىڭ ءبىرى «Astana Media Week-2021» ەكىنشى كۇنىنىڭ اياسىندا ساراپشىلار قاۋىمداستىعى قوعام مەن باق-تىڭ جاڭا, كوۆيدتەن كەيىنگى الەمدەگى ءرولى جايلى اڭگىمەلەپ, قازاقستانداعى جارنامالىق مەديا نارىعىنىڭ پەرسپەكتيۆالارىن تالدادى, دەپ جازادى Egemen.kz.
شارانىڭ ەكىنشى كۇنى «قر تاۋەلسىزدىك كەزەڭىندە باق-تىڭ قالىپتاسۋى» تاقىرىبىنداعى دوڭگەلەك ۇستەلدەن باستالدى. قاتىسۋشىلار قازاقستاندىق تەلەۆيزيانىڭ دامۋى, جۋرناليستەر وداعىنىڭ قۇرىلۋى جانە كادرلاردى دايارلاۋ ماسەلەلەرى تۋرالى پىكىر الماستى.
كەيىن «قوعام جانە باق جاڭا, كوۆيدتەن كەيىنگى الەمدە» اتتى پانەلدىك ديسكۋسسيا ءوتتى. وعان قازاقستان, شۆەيتساريا, اۆستريا ەلدەرىنىڭ ساراپشىلارى قاتىستى. پانەلدىك ديسكۋسسيا قاتىسۋشىلارى قوعامداعى وزگەرىستەر جانە ونىڭ قازىرگى زامانعى باق-قا قوياتىن تالابى تۋرالى وي ءبولىستى.
«قر جارنامالىق مەديا نارىعى: اعىمداعى جاعداي, دامۋ پەرسپەكتيۆالارى, پروبلەمالار مەن شەشىمدەر» تاقىرىبىنداعى دوڭگەلەك ۇستەلى اياسىندا ورتا ازيا جارناما قاۋىمداستىعىنىڭ ساراپشىلارى مەن ءىرى تۆ-سەيلز-حاۋس وكىلدەرى جارنامالىق مەديا نارىعىنداعى قازىرگى جاعدايمەن ءبولىستى.
قاتىسۋشىلار يندۋستريانىڭ تۇراقتى دامۋىن قامتاماسىز ەتۋ ءۇشىن قازىرگى جاعدايلاردى ەسكەرە وتىرىپ, زاڭناماعا وزگەرىس ەنگىزۋ جونىندە تالقى جاسادى. سونداي-اق بارلىق ماسەلە بويىنشا مەملەكەتتىك ورگاندار مەن واجق اراسىنداعى ارەكەتتەردىڭ العاشقى قادامدارى جايلى كەلىستى.
«AMW» بارىسىندا تۇڭعىش رەت «Fremantle» تەلەۆيزيالىق كونتەنتىنىڭ ەۋروپالىق ديستريبيۋتورى, «Sony Pictures» فيلمدەرى مەن تەلەۆيزيالىق باعدارلامالارىنىڭ ءوندىرۋشىسى جانە ديستريبيۋتورى, «Nbc /Universal» امەريكاندىق ماسس-مەديا كومپانياسى, «Kiss Media» تەلەۆيزيالىق ونىمدەر مەن مەديا كومپانيانىڭ ديستريبيۋتورى «Global Agency» وكىلدەرى ۇزدىك ونىمدەرىنىڭ تۇساۋكەسەرىن جاساپ, Formats Day وتكىزدى. شارا قاتىسۋشىلارى وندىرۋشىلەردىڭ سەرىكتەسى بولۋ مۇمكىندىگىن الدى.
Astana Media Week-2021 اياسىندا ء«بىز بىرگەمىز!» اتتى الەۋمەتتىك بەينەروليك ستسەناريلەرىنىڭ تۇساۋكەسەرى ءوتتى. شارانى «حابار» اگەنتتىگى» اق ۇيىمداستىردى. جوباعا وننان استام قازاقستاندىق پروديۋسەر مەن ستسەناريست قاتىستى. بارلىعى 20 ستسەناري ۇسىنىلعان, بىراق تەك 9 قاتىسۋشى ىرىكتەۋ كەزەڭىنەن ءوتىپ, يدەياسىن ۇسىندى. ناتيجەسىندە اينۇر اسىلبەكقىزى «وتباسىلىق قۇندىلىقتار» اتتى كاتەگورياسىندا جۇلدەگەر اتاندى. ليمارا بەكتۇرعانوۆا «ەكولوگيا» كاتەگورياسىندا ەڭ ۇزدىك ستسەناريست اتاندى. «قارجىلىق ساۋاتتىلىق» تاقىرىبى بويىنشا جەڭىمپاز رەتىندە سۇلەيمەن نۇرداۋلەت تانىلدى. اتالعان ستسەناريلەر بويىنشا دايىن بەينەروليكتەردى «حابار» جانە «حابار 24» تەلەارنالارى كورسەتەدى.
«Qazaqstan» رترك ۇيىمداستىرعان پيتچينگ بارىسىندا بولاشاق سەريالداردىڭ ستسەناريى تالقىلاندى. مۇندا وتاندىق پروداكشن-ستۋديا وكىلدەرى 2022 جىلعا ارنالعان جاڭا سەريالدار ءۇشىن يدەيا مەن ۇسىنىس ءبىلدىردى. Astana Media Week-2021 اياسىندا ءوتىپ جاتقان بايقاۋعا 21 كومپانيا ءوتىنىم بەرگەن. تەلەۆيزيالىق جۇمىستار قازاقستاننىڭ تاريحي قايراتكەرلەرىنە, اتا-بابالارىمىزدىڭ تاريحي مۇراسىن, اۋىل ءومىرىن ناسيحاتتاۋعا, رۋحاني استاناسى - تۇركىستانعا, تاريحي وتانىنا ورالعان قانداستارعا, قۇتقارۋشىلارعا, سپورتتى, حالىق كاسىپشىلىگىن, ۇلتتىق جانە وتباسىلىق قۇندىلىقتاردى ناسيحاتتاۋعا ارنالۋى ءتيىس. كورپوراتسيا جاريالاعان بايقاۋ 30 قىركۇيەككە دەيىن جالعاسادى.
قر اقدم ءباسپاسوز قىزمەتىنىڭ جازۋىنشا, اپتالىقتىڭ ەكىنشى كۇنى 6425 رەت ونلاين قارالعان. ەڭ ۇلكەن اۋديتوريا 25-34 جاس شاماسىنداعىلار بولعان.
«قوعام جانە باق جاڭا, كوۆيدتەن كەيىنگى الەمدە» اتتى پانەلدىك ديسكۋسسيا وسى كۇننىڭ ەڭ زور سۇرانىسىنا يە بولدى. وعان 1574 ادام قوسىلدى. سوسىن ەڭ كوپ قارالعان شارا «قر جارنامالىق مەديا نارىعى: اعىمداعى جاعداي, دامۋ پەرسپەكتيۆالارى, پروبلەمالار مەن شەشىمدەر» دوڭگەلەك ۇستەلى بولدى. ساراپشىلار پىكىرتالاسىنا 1248 كورەرمەن قوسىلدى. سونداي-اق «قازاق راديوسى. ەفيردە 100 جىل» شەبەرلىك ساعاتىنىڭ اۋديتورياسى دا 1136 كورەرمەنگە دەيىن جەتتى», دەپ جازىلعان حابارلامادا.