بيلل گەيتس «Microsoft» كومپانياسى ديرەكتورلار كەڭەسىنىڭ توراعاسى قىزمەتىنەن بوساتىلدى. بۇل تۋرالى Azattyg.org حابارلادى.
ب. گەيتس بۇدان بىلاي اتالعان كومپانيادا تەحنولوگيالىق ماسەلەلەر بويىنشا كەڭەسشى قىزمەتىن اتقارادى. ال ونىڭ ورنىنا ديرەكتورلار كەڭەسىنىڭ توراعاسى بولىپ ساتيا نادەللا تاعايىندالدى. 46 جاستاعى ساتيا نادەللا بۇل كومپانيادا 22 جىلداي قىزمەت ىستەگەن جانە سوڭعى ۋاقىتتا قىزمەت كورسەتۋ جانە بيزنەس ءبولىمىن باسقارعان ەكەن.
كومپانيانىڭ 39 جىلدىق تاريحىندا ساتيا نادەللا بيلل گەيتس پەن ستيۆ بالمەردەن كەيىنگى ءۇشىنشى باس ديرەكتور بولىپ وتىر. گەيتس پەن بالمەر وتكەن جىلعى تامىز ايىندا زەينەتكە شىعۋعا نيەت تە بىلدىرگەن كورىنەدى.
ايدار ورىسباەۆ.
دەرەككوز: Azattyg.org.
فوتو: Reuters.com.