بۇگىن ازەربايجاننىڭ گياندجە قالاسىندا پويىز ۆاگونى مەن اۆتوكولىكتىڭ قاتىسۋىمەن جول-كولىك وقيعاسى ورىن الدى, دەپ حابارلايدى Egemen.kz.
Apa.az اگەنتتىگىنىڭ حابارلاۋىنشا, گياندجە قالاسىندا كەنەتتەن ورنىنان قوزعالعان ۆاگون كولىككە سوعىلعان. جول اپاتى «پوچت» كەنتىندە تىركەلدى. اتاپ ايتقاندا, اتالعان مەكەن-جاي بويىنشا ۆاگون ورنىنان قوزعالىپ, قورعالماعان وتكەلدە «ۆاز 2107» ماركالى قوزعالمالى اۆتوكولىككە سوعىلعان. ناتيجەسىندە, جەڭىل كولىك جۇرگىزۋشىسى جەڭىل جاراقات الدى. حابارلامادا ايتىلعانداي, ۆاگون «ازەربايجان مەملەكەتتىك تەمىر جولدارى» جاق-قا تيەسىلى.
ايتا كەتسەك, بۇل ازەربايجاندا تەمىرجول كولىگىنىڭ قاتىسۋىمەن وتكەن ءبىرىنشى وقيعا ەمەس. ماسەلەن, ناۋرىز ايىندا ازەربايجاننىڭ تاعى ءبىر ءىرى سۋمگايت قالاسىندا قايعىلى وقيعا ورىن الدى. جولاۋشىلار اۆتوبۋسى اۋماق بويىنشا ءوتىپ بارا جاتقان تاۋار پويىزىمەن سوقتىعىستى. جول-كولىك وقيعاسى سالدارىنان پويىز جولسەرىگى مۋباريز ابدۋللاەۆ قازا تاپتى.
مامىر ايىندا وسى قالادا رەتتەلمەيتىن تەمىرجول وتكەلىندە ميكرواۆتوبۋسى بار 10 ۆاگون-تسيستەرنادان تۇراتىن مانەۆرلىك تەپلوۆوزدىڭ تاعى ءبىر سوقتىعىسۋى ورىن الدى. اپات سالدارىنان پويىز قۇراستىرۋشىسى مۋرتۋز ابدۋللاەۆ قايتىس بولدى.
جالپى, ازەربايجان ءىىم مەملەكەتتىك جول پوليتسياسى باس باسقارماسىنىڭ مالىمەتىنشە, 2021 جىلدىڭ ءبىرىنشى جارتىجىلدىعىندا ازەربايجاندا 756 جول-كولىك وقيعاسى تىركەلگەن, ناتيجەسىندە 290 ادام قازا تاۋىپ, 698 ادام جاراقات العان.