بيىل قازاقستاننىڭ بىرقاتار ايماعىندا جىلىتۋ ماۋسىمى ادەتتەگىدەن ەرتەرەك باستالدى. قىركۇيەكتىڭ ورتاسىندا رەسپۋبليكانىڭ سولتۇستىك, شىعىس جانە ورتالىق اۋداندارىندا سۋىق ەرتە ءتۇسىپ, جىلىتۋ ماۋسىمىن ەرتەرەك باستاۋدى سۇرادى, دەپ جازادى Egemen.kz.
نۇر-سۇلتاندا جىلىتۋ ماۋسىمى 23 قىركۇيەكتە باستالدى.
پاۆلوداردا الەۋمەتتىك نىساندار جىلۋعا 16 قىركۇيەكتەن باستاپ قوسىلدى.
پەتروپاۆل تۇرعىندارىنا جىلۋ 20 قىركۇيەكتەن باستاپ بەرىلدى.
سەمەيدىڭ سول جاعالاۋىنداعى ۇيلەر 25 قىركۇيەكتەن باستاپ جىلۋعا قوسىلا باستادى. قالانىڭ وڭ جاعالاۋ بولىگىندە جىلۋ جەلىلەرى مەن جىلۋ كوزدەرىن ىسكە قوسۋ 28 قىركۇيەككە جوسپارلانعان.
سونداي-اق 25 قىركۇيەكتە قاراعاندىدا جىلۋ بەرۋ ماۋسىمى باستالدى. قالا اكىمىنىڭ ايتۋىنشا, كوپقاباتتى تۇرعىن ۇيلەردىڭ شامامەن 80%-ى جىلۋعا قوسىلعان. بيىل شاحاندا ورتالىق جىلىتۋ قوسىلادى.
وبلىستىڭ وڭتۇستىك ايماقتارىندا اۋا رايى ءالى جىلى, سوندىقتان جىلىتۋ ماۋسىمى كەشىرەك باستالادى.
وسكەمەندە جىلىتۋ ماۋسىمى 1 قازاندا باستالادى.
ەلدىڭ وڭتۇستىگىندە, باتىسىندا جىلى اۋا رايى جىلىتۋ ماۋسىمىن كەشىرەك باستاۋعا مۇمكىندىك بەرەدى.
الماتىدا, قالىپتاسقان تاجىريبەگە سايكەس, جىلىتۋ ماۋسىمى اۋا رايى بەس كۇن بويى +8°C بولعان جاعدايدا باستالۋى ءتيىس. الايدا, بىلتىرعىداي, اۋا رايى سالقىن بولسا, جىلىتۋ ماۋسىمى ەرتەرەك باستالۋى مۇمكىن. جىلۋ جەلىلەرى 100% دايىن.
شىمكەنتتە اۋا رايى جاعدايىنا بايلانىستى جىلىتۋ ماۋسىمى شامامەن 15 قازاندا باستالادى.
تۇركىستاندا 1 قاراشادان باستاپ جىلۋ بەرۋدى جوسپارلاپ وتىر, بىراق كۇرت سۋىق بولعان جاعدايدا بۇل مەرزىم قايتا قارالۋى مۇمكىن.
اقتاۋدا جىلىتۋ ماۋسىمى كەستەگە سايكەس 15 قازاندا باستالادى.