قH پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى تۇركىتىلدەس مەملەكەتتەر ىنتىماقتاستىعى كەڭەسىنىڭ اۋعانستانداعى احۋال جونىندەگى سىرتقى ىستەر مينيسترلەرى كەڭەسىنىڭ كەزەكتەن تىس وتىرىسىنا قاتىستى, دەپ جازادى Egemen.kz.
قاتىسۋشىلار وڭىرلىك قاۋىپسىزدىك جانە اۋعان كۇن تارتىبىندەگى ءىس-قيمىلداردى ۇيلەستىرۋ ماسەلەلەرى تۋرالى پىكىر الماستى.
م.تىلەۋبەردى قازاقستاننىڭ اۋعانستانعا كومەك كورسەتۋدە تۇركى ەلدەرىمەن ىنتىماقتاسۋعا دايىن ەكەنىن مالىمدەدى.
«قازاقستان اۋعانستانداعى جاعدايدى تۇراقتاندىرۋ بويىنشا حالىقارالىق كۇش-جىگەرگە, ءبىرىنشى كەزەكتە گۋمانيتارلىق سالادا جانە بۇۇ-نىڭ ورتالىق ۇيلەستىرۋ رولىندە ءوز ۇلەسىن قوسۋدى جالعاستىرۋدا», دەدى قازاقستان ءسىم باسشىسى.
وسىعان بايلانىستى ول قازاقستاننىڭ بۇۇ قۇرىلىمدارى ارقىلى اۋعانستانعا كومەك كورسەتۋگە بۇۇ تاراپىنان قولداۋ تاپقانىن ەرەكشە اتاپ ءوتتى.
تاراپتار تەرروريزمنىڭ تارالۋ, قارۋ-جاراق پەن ەسىرتكىنىڭ زاڭسىز اينالىمى, زاڭسىز كوشى-قون جانە بوسقىندار لەگى تاۋەكەلدەرىن ەسكەرە وتىرىپ, جاعدايدىڭ ودان ءارى دامۋىنا مونيتورينگ جۇرگىزۋ قاجەت ەكەنىن اتاپ ءوتتى.
«كونفەرەنتسيا قورىتىندىسى بويىنشا بىرلەسكەن مالىمدەمە قابىلدانىپ, وندا تاراپتار اۋعان ماسەلەسىن حالىقارالىق گۋمانيتارلىق قۇقىقتى ساقتاي وتىرىپ ساياسي رەتتەۋدىڭ ماڭىزدىلىعىن جانە اۋعانستانعا بەيبىتشىلىككە, ۇلتتىق كەلىسىمگە, تۇراقتىلىق پەن دامۋعا قول جەتكىزۋگە كومەكتەسۋگە دايىن ەكەنىن راستادى», دەپ جازادى قر ءسىم ءباسپاسوز قىزمەتى.