بۇگىن تۇركيادا (ىستامبۇل قالاسى) قازاقستان تاۋەلسىزدىگىنىڭ 30 جىلدىعىنا وراي «جاھاندانۋ وركەنيەتىندەگى قازاق الەمى» تاقىرىبىندا قازاقتاردىڭ كىشى قۇرىلتايى ءوتتى, دەپ حابارلايدى Egemen.kz.
كىشى قۇرىلتايدى قر اقدم قولداۋىمەن «وتانداستار قورى» دۇنيەجۇزى قازاقتارى قاۋىمداستىعىمەن بىرلەسىپ ۇيىمداستىردى.
قازاقتاردىڭ كىشى قۇرىلتايىنىڭ جۇمىسىنا تۇركيا مەن ەۋروپا ەلدەرىندەگى قازاق قاۋىمدارىنىڭ, قازاقستاننىڭ مادەنيەت مەكەمەلەرى مەن جوعارى وقۋ ورىندارىنىڭ 100-دەن استام وكىلدەرى قاتىستى.
شارا جۇمىسىنىڭ اياسىندا شەتەلدەگى قازاق دياسپورالارىنىڭ وزەكتى ماسەلەلەرى بويىنشا ناتيجەلى پىكىر الماسۋ بولدى.
ايتا كەتۋ كەرەك, كىشى قۇرىلتايدىڭ باعدارلاماسى كوپتەگەن مادەني-اعارتۋ ءىس-شارالارىن قامتىدى.
ستامبۋل قالاسىنىڭ باعدىلجار اۋدانىندا بەلگىلى سپورتشى مۇستافا وزتۇرىك اتىنداعى ساياباقتىڭ اشىلۋ سالتاناتى ءوتتى. كىشى قۇرىلتايعا قاتىسۋشىلار ءۇشىن قازاقستاندىق مۋزەيلەر مەن جوعارى وقۋ ورىندارى «التىن تامىرلى اتاجۇرت» اتتى كورمە ۇسىندى. سونداي-اق تۇركياداعى قازاق دياسپوراسىنىڭ جاستارى ءۇشىن ء«بىلىم كورمەسىنىڭ» تۇساۋكەسەرى ۇيىمداستىرىلدى.
سونىمەن قاتار, شەتەلدىك ىسكەر قازاق قاۋىمداستىعىمەن كەزدەسۋ بارىسىندا «الىستاعى اعايىن» دەرەكتى ءفيلمى كورسەتىلدى.
كازاقتاردىڭ كىشى قۇرىلتايى ءىس-شارالار باعدارلاماسى اياسىندا قاراعاندى وبلىسىنان كەلگەن تاتتىمبەت قازانعاپ ۇلى اتىنداعى اكادەميالىق قازاق حالىق اسپاپتار وركەسترىنىڭ قاتىسۋىمەن گالا-كونتسەرت ۇيىمداستىرىلدى.
ءىس-شارانىڭ قورىتىندىسى بويىنشا قازاقستاندىق تاراپ كىشى قۇرىلتايعا قاتىسۋشىلارعا قازاق ەلىنىڭ مادەنيەتى, تاريحى, قازاقستانداعى قازىرگى ءومىر تۋرالى ادەبيەتتەردى سىيعا تارتتى.