بۇگىن قازاقستاننىڭ ازاماتتىق اليانسى مەن «ەۋرازيا حالىقتارى دوستاستىعى» رەسەي اۆتونومدى كوممەرتسيالىق ەمەس ۇيىمى ۇيىمداستىرعان «دىني ەكسترەميزمنىڭ ترانسشەكارالىق قاتەرلەرى: قازاقستاننىڭ كوزقاراسى» حالىقارالىق ساراپتاما الاڭى ءوتتى, دەپ حابارلايدى Egemen.kz اقدم-نىڭ ءباسپاسوز قىزمەتىنە سىلتەمە جاساپ.
ساراپتاما الاڭىنىڭ جۇمىسىنا اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ توراعاسى ەرجان نۇكەجانوۆ, قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا, عىلىمي-ساراپشىلىق قوعامداستىقتىڭ, ءداستۇرلى ءدىن وكىلدەرىنىڭ, سونداي-اق قازاقستان مەن رەسەيدىڭ ءدىني ەكسترەميزمنىڭ الدىن الۋ سالاسىنداعى جەتەكشى ساراپشىلارى قاتىستى.ەرجان نۇكەجانوۆ وز سوزىندە حالىقارالىق تەرروريزم مەن ەكسترەميزمنىڭ تارالۋ قاۋپىن الدىن الۋ, ەل ىشىندە جانە ودان تىس جەرلەردە قاۋىپسىزدىكتى نىعايتۋ ماسەلەلەرى قازاقستان مەن رەسەي اراسىنداعى ىنتىماقتاستىقتىڭ ودان ءارى نەگىزگى باسىمدىقتارى بولاتىنىن اتاپ ءوتتى.