بۇگىن دەنساۋلىق ساقتاۋ ءمينيسترى الەكسەي تسوي اۆستريانىڭ قر-داعى ەلشىسى ۆيللي كەمپەلمەن كەزدەسۋ وتكىزدى. كەزدەسۋ بارىسىندا ەكىجاقتى ىنتىماقتاستىق, سونداي-اق دياگنوستيكالىق ورتالىق سالۋ جانە «Vamed» كومپانياسىنىڭ اۋرۋحانالاردى باسقارۋ ماسەلەلەرى تالقىلاندى, دەپ جازادى Egemen.kz قر دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساپ.
دەنساۋلىق ساقتاۋ ءمينيسترى الەكسەي تسوي اۆستريانىڭ قر-داعى ەلشىسى ۆيللي كەمپەلمەن كەزدەسۋ وتكىزدى. كەزدەسۋ بارىسىندا ەكىجاقتى ىنتىماقتاستىق, سونداي-اق دياگنوستيكالىق ورتالىق سالۋ جانە «Vamed» كومپانياسىنىڭ اۋرۋحانالاردى باسقارۋ ماسەلەلەرى تالقىلاندى.
«اۆستريالىق بيزنەس پەن جالپى كومپانيالاردىڭ جەتەكشى توپتارىنىڭ قىزىعۋشىلىعى قازاقستان ءۇشىن وتە ماڭىزدى. سوندىقتان سىزدەردى كورگەنىمىزگە قۋانىشتىمىز, ءوزارا پىكىر الماسىپ, ەكى جاقتى كوزقاراستى انىقتاپ العىمىز كەلەدى», دەدى ا.تسوي.
2010 جىلدان باستاپ قازاقستان مەن اۆستريا اراسىندا قوعامدىق دەنساۋلىق ساقتاۋ سالاسىنداعى ءوزارا تۇسىنىستىك تۋرالى مەموراندۋم جاسالدى. الداعى كۇندەرى جالعاسىپ جاتقان ىنتىماقتاستىق اياسىندا نۇر-سۇلتاندا قازاقستان-اۆستريا ىسكەرلىك كەڭەسىنىڭ وتىرىسى وتەدى.
«ەگەر ءبىز وسى مەموراندۋمدى بىرلەسكەن كۇش-جىگەرمەن تولتىرا الساق, مەن وتە قۋانىشتى بولار ەدىم. بۇگىن ناقتى قادام رەتىندە مەن سىزگە vamed كومپانياسىنان دەلەگاتسيانى الىپ كەلدىم – بۇل تەحنولوگيالار تۇرعىسىنان اۋرۋحانالار, گوسپيتالدار سالۋ, پايدالانۋ, جابدىقتاۋ بويىنشا ءىرى حالىقارالىق جۇمىس ىستەپ تۇرعان كومپانيالاردىڭ ءبىرى. بۇل كومپانيا الەمدىك نارىقتاعى كوشباسشىلاردىڭ ءبىرى», دەدى ۆ.كەمپەل.
كەزدەسۋ بارىسىندا Vamed كومپانياسىنىڭ وكىلدەرى وزدەرى قۇرعان مەديتسينالىق ورتالىقتاردىڭ تۇساۋكەسەرىن وتكىزدى. سونىمەن قاتار, مەملەكەتتىك-جەكەشەلىك ارىپتەستىك اياسىندا الماتى قالاسىندا 200 توسەكتىك كوپبەيىندى اۋرۋحانا سالۋ جوسپارى تالقىلاندى. بۇل جوبا Vamed كومپانياسىنىڭ تەڭ ينۆەستورلارى رەتىندە تارتۋ كەزىندە Eurasia Power Group وتاندىق كونسورتسيۋمىنا باستاماشىلىق ەتەدى.
كەلىسسوزدەر قورىتىندىسى بويىنشا ەكى ەل اراسىنداعى ىنتىماقتاستىقتى جالعاستىرۋ جانە نىعايتۋ تۋرالى ۋاعدالاستىققا قول جەتكىزىلدى.