گايتيدە 37 جىل ىشىندە العاش رەت شوشقانىڭ افريكالىق وباسى انىقتالدى, دەپ حابارلايدى Egemen.kz Reuters-كە سىلتەمە جاساپ.
دۇنيەجۇزىلىك جانۋارلار دەنساۋلىعىن ساقتاۋ ۇيىمى (OIE) گايتيدىڭ دومينيكان رەسپۋبليكاسىمەن شەكاراسىنا جاقىن ورنالاسقان انس-ا-پيتر قالاسى 26 تامىزدا باستالعان ىندەتتەن زارداپ شەكتى دەپ مالىمدەدى.
اۋرۋ اقش-قا تارالۋى جانە ەلدەن شوشقا ەتىنىڭ ەكسپورتىنا ۋاقىتشا نۇقسان كەلتىرۋى مۇمكىن دەگەن الاڭداۋشىلىق تۋدىردى.
شوشقانىڭ افريكالىق وباسى - ينكۋباتسيالىق كەزەڭى ەكى اپتاعا دەيىنگى جۇقپالى اۋرۋ, ونى جانۋارلار تاسىمالدايدى. ۆيرۋس اعزاعا تاماق, تەرىدەگى جارالار, شىرىشتى قابىق, جاندىكتەردىڭ شاعۋى ارقىلى ەنەدى. ادامنىڭ جۇقتىرۋ جاعدايلارى تىركەلگەن جوق, بىراق عالىمدار مۇنداي قاۋىپتى جوققا شىعارمايدى.