كاتارداعى قازاقستان ەلشىلىگى دوحادا اككرەديتتەلگەن ازيا مەملەكەتتەرىنىڭ ديپلوماتيالىق ميسسيالارىنىڭ باسشىلارى, كاتار ءسىم جانە باق وكىلدەرىنىڭ قاتىسۋىمەن قازاقستاننىڭ اوسشك-كە توراعالىق ەتۋىنە ارنالعان بريفينگ وتكىزدى, دەپ حابارلايدى Egemen.kz.
قازاقستاننىڭ كاتارداعى ەلشىسى ارمان يساعاليەۆ ءوز سوزىندە 30 جىل بۇرىن ايتىلعان قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەستى شاقىرۋ جونىندەگى باستاماسى كەڭىنەن حالىقارالىق مويىنداۋعا يە بولعانىن جانە جيىنتىعىندا الەمدىك ءجىو-ءنىڭ 50%-دان استامىن قۇرايتىن جانە جاھاندىق ەكونوميكالىق ءوسۋدىڭ ۇشتەن ەكىسىن قامتاماسىز ەتەتىن 27 مۇشە مەملەكەتتى بىرىكتىرەتىن ازيا قاۋىپسىزدىك جانە ىنتىماقتاستىق جۇيەسىنىڭ ماڭىزدى تۇعىرناماسىنا ىسكە اسىرىلعانىن اتاپ ءوتتى.
ديپلومات قازاقستاننىڭ 2020-2022 جىلدارداعى اوسشك-كە توراعالىق ەتۋىنىڭ باسىمدىقتارى تۋرالى ەگجەي-تەگجەيلى ايتىپ بەردى.
«اوسشك-ءتى تولىققاندى ۇيىمعا اينالدىرۋ تابىستى جۇمىس ىستەپ تۇرعان ديالوگ الاڭىنا حالىقارالىق سۋبەكتيۆتىلىك پەن جاھاندىق ءرول بەرەدى, وسىلايشا ازيا مەملەكەتتەرىنىڭ جالپى الەمدىك پروتسەستەرگە ىقپال ەتۋ تەتىكتەرىن نىعايتادى», دەدى ارمان يساعاليەۆ.
ءىس-شاراعا قاتىسۋشىلار 2021 جىلعى 11-12 قازاندا نۇر-سۇلتان قالاسىندا وتەتىن اوسشك-گە قاتىسۋشى شەت ەلدەر مينيسترلەرىنىڭ الداعى 6-شى كەزدەسۋىنىڭ نەگىزگى اسپەكتىلەرى تۋرالى حاباردار بولدى.
ءىس-شارا قورىتىندىسى بويىنشا وڭىرلىك كۇن تارتىبىندەگى ماسەلەلەر تۇعىرىندا پىكىرالماستى.
سونىمەن قاتار, اتالعان ءىس-شارا اياسىندا ەل تاۋەلسىزدىگىنىڭ 30 جىلدىعىنا ارنالعان «الەمدىك قوعامداستىق مويىنداعان قازاقستان» اتتى فوتوكورمە ۇيىمداستىرىلدى.