قازاقستان اۋعانستانعا بيداي مەن ۇن جىبەرەدى

اۋىل شارۋاشىلىعى ءمينيسترى ەربول قاراشوكەەۆ ۇكىمەت وتىرىسىندا اتاپ وتكەندەي, اتالعان داقىلداردىڭ جالپى ءتۇسىمىنىڭ بولجامدى كولەمى شامامەن 16 ميلليون توننانى قۇرايدى, ورتاشا ونىمدىلىگى 10,1 تس/گا.

«وتكەن جىلداردىڭ اۋىسپالى قالدىقتارىن ەسكەرە وتىرىپ, ءداندى جانە ءداندى-بۇرشاقتى داقىلدار ءوندىرىسىنىڭ بولجامدى كولەمى ەلدىڭ ىشكى قاجەتتىلىكتەرىن تولىق قامتاماسىز ەتۋگە مۇمكىندىك بەرەدى. جاڭا ماۋسىمدا قازاقستاندىق بيداي مەن ۇننىڭ نەگىزگى جەتكىزىلىمدەرى ءداستۇرلى نارىقتارعا باعىتتالادى: ورتا ازيا ەلدەرى, يران جانە اۋعانستان. استىقتىڭ جوعارى ساپاسى ەسەبىنەن قىتايعا بيدايدىڭ جونەلتىلۋى ارتۋى مۇمكىن», دەدى اۋىل شارۋاشىلىعى ءمينيسترى.

ۆەدومستۆونىڭ مالىمەتىنشە, رەسپۋبليكا بويىنشا بارلىعى 15,1 ميلليون گا ءداندى جانە ءداندى-بۇرشاقتى داقىلدار نەمەسە ولاردىڭ جالپى الاڭىنىڭ 95% جينالدى, ال وتكەن جىلى 14,5 ميلليون گا نەمەسە 91,5% جينالدى.