بۇگىن, كەشكى ساعات 17:00 شاماسىندا الماتىنىڭ الاتاۋ اۋدانىنداعى «اقبۇلاق» ىقشاماۋدانىندا قايعىلى وقيعا ورىن الدى, دەپ حابارلايدى Egemen.kz.
الماتى قالالىق پوليتسيا دەپارتامەنتىنىڭ مالىمەتىنشە, جەكە ۇيلەردىڭ بىرىنە كەلگەن سوت ورىنداۋشىعا, ۋچاسكەلىك پوليتسيا ينسپەكتورلارىنا ءۇي يەسى — 1967 جىلى تۋعان د. ەسىمدى ازامات وق اتتى. قىزمەت بارىسىندا بەس ادام, ونىڭ ىشىندە ەكى پوليتسيا قىزمەتكەرى وقتان جاراقات الىپ, كوز جۇمدى.
«كۇدىكتى ۇستالدى. قازىرگى ۋاقىتتا جاعداي باقىلاۋدا. قىلمىستىق ءىس قوزعالدى. تەرگەۋ شارالارى جۇرگىزىلۋدە», دەپ حابارلادى پوليتسيادان.
قازا تاپقان پوليتسيا قىزمەتكەرلەرى: الاتاۋ اۋداندىق پب جپقب ۋچاسكەلىك ينسپەكتورى, پوليتسيا مايورى سۇلەەۆ دارحان داۋىلباي ۇلى, 1982 جىلى تۋعان. الاتاۋ اۋداندىق پب جپقب ۋچاسكەلىك ينسپەكتورى, پوليتسيا كاپيتانى بايعازيەۆ نۇربول نازارباي ۇلى, 1988 جىلى تۋعان.