اقمولا وبلىسى سىبايلاس جەمقورلىققا قارسى كۇرەس باسقارماسىنىڭ ءبىرىنشى ورىنباسارى بولىپ كەلگەن ارمان بەردالين قىزمەتىنەن كەتتى, دەپ حابارلايدى Egemen.kz.
بۇل جايلى ول ءوزىنىڭ الەۋمەتتىك جەلىدەگى پاراقشاسىندا مالىمدەدى.
ارمان تىلەكتەس ۇلى بەردالين 1983 جىلى تۋعان. 2004 جىلى ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ ساياساتتانۋ فاكۋلتەتىن ساياساتتانۋشى ماماندىعى بويىنشا بىتىرگەن.
ەڭبەك جولىن 2001 جىل ءتىلشى بولىپ باستاعان ول مادەنيەت جانە ونەر سالاسىندا قىزمەت ەتىپ, بىرنەشە مەكەمەلەردىڭ ديرەكتورى بولىپ قىزمەت ەتكەن.
كەيىنگى جىلدارى اقمولا وبلىسى تىلدەردى دامىتۋ دەپارتامەنتىنىڭ جەتەكشىسى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە دەپارتامەنت ديرەكتورى سەكىلدى جاۋاپتى قىزمەت اتقارعان.
ال بۇگىن اقمولا وبلىسى سىبايلاس جەمقورلىققا قارسى كۇرەس باسقارماسىنىڭ ءبىرىنشى ورىنباسارى قىزمەتىنەن كەتتى.