ايەلدەر تەننيس قاۋىمداستىعى (WTA) رەيتينگىنىڭ جەكە جانە جۇپتىق رازريادتاعى جاڭارتىلعان نۇسقاسى جاريالاندى, دەپ حابارلايدى Egemen.kz Sports.kz-كە سىلتەمە جاساپ.
ەڭ مىقتىلار ۇشتىگى وزگەرىسسىز قالدى: اۆستراليالىق ەشلي بارتي كوش باستاپ, ونىڭ ارتىندا بەلورۋسسيالىق ارينا سوبولەنكو مەن چەح سپورتشىسى كارولينا پليشكوۆا تۇر.
قازاقستاننىڭ ءبىرىنشى راكەتكاسى ەلەنا رىباكينا 17-ءشى ورىننان 16-شى ورىنعا كوتەرىلىپ, جەكە رەكوردىن جاڭارتتى.
يۋليا پۋتينتسەۆا بەس جولدان ايىرىلىپ, 49-شى اتاندى. ال زارينا دياس جەتى بەلگىگە ءتۇسىپ, 112-ءشى ورىندا تۇراقتادى.
جۇپتىق رازريادتىڭ كوشباسشىسى بەلگيادان كەلگەن ەليزا مەرتەنس بولدى, ودان كەيىن چەحيا وكىلى باربورا كرەيچيكوۆا مەن كاتەرينا سينياكوۆا. اننا دانيلينا 88-دەن 86-عا كوتەرىلسە, رىباكينا 96-شى, دياس 181-ءشى بولدى.