ەلورداداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرى ەلباسىنىڭ بيىلعى حالىققا ارناعان جولداۋىن قولداۋ ماقساتىندا «بىرلىگى جاراسقان جاستار – ءماڭگىلىك ەلدىڭ بولاشاعى» اتتى پاتريوتتىق اكتسيا وتكىزدى. شارا بارىسىندا وقۋ ورداسىنىڭ 2050 ستۋدەنتى ەل ءانۇرانىن قوسىلىپ شىرقادى. سونداي-اق, تەاترلاندىرىلعان كورىنىسكە دە ەكى مىڭنان استام ستۋدەنت قاتىستى. دۋماندى جيىنعا پارلامەنت ءماجىلىسىنىڭ دەپۋتاتى, حالىق قاھارمانى باقىتجان ەرتاەۆ, ۋنيۆەرسيتەت رەكتورى اقىلبەك كۇرىشباەۆ قاتىستى.
ەلورداداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرى ەلباسىنىڭ بيىلعى حالىققا ارناعان جولداۋىن قولداۋ ماقساتىندا «بىرلىگى جاراسقان جاستار – ءماڭگىلىك ەلدىڭ بولاشاعى» اتتى پاتريوتتىق اكتسيا وتكىزدى. شارا بارىسىندا وقۋ ورداسىنىڭ 2050 ستۋدەنتى ەل ءانۇرانىن قوسىلىپ شىرقادى. سونداي-اق, تەاترلاندىرىلعان كورىنىسكە دە ەكى مىڭنان استام ستۋدەنت قاتىستى. دۋماندى جيىنعا پارلامەنت ءماجىلىسىنىڭ دەپۋتاتى, حالىق قاھارمانى باقىتجان ەرتاەۆ, ۋنيۆەرسيتەت رەكتورى اقىلبەك كۇرىشباەۆ قاتىستى.
ستۋدەنتتەر الدىندا ءسوز العان باقىتجان ەرتاەۆ جالىندى جاستاردى ءوزىنىڭ پاتريوتتىق ءسوزدەرىمەن جىگەرلەندىرە كەلە, ولارعا رۋحتى ەلدىڭ ۇلاندارى ەكەنىن جەتكىزدى.
«ەلباسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن ەل حالقى ىستىق ىقىلاسپەن قابىلدادى. جاسامپازدىقتىڭ جارشىسى بولعان, رەسپۋبليكا حالقىنا جول تارتقان جولداۋ بۇل جولى ەل دامۋىنىڭ 2050 جىلعا دەيىنگى ستراتەگياسىن جۇزەگە اسىرۋعا باعىتتالدى. ەلباسىنىڭ «ماڭگىلىك ەل» يدەياسى بارشامىزدى ءبىر ماقساتقا, اۋىزبىرلىككە, ورتاق مۇددەگە جۇمىلدىراتىن ۇرانعا اينالدىرۋى ءتيىس دەپ ويلايمىن. «ماڭگىلىك ەلدەگى» باسىمدىقتار بارلىعىمىز ءۇشىن ورىندالاتىن ورتاق ماقسات ءارى ابىرويلى مىندەت. وسى ورتاق ماقساتقا ايانباي قىزمەت ەتۋدە ۋنيۆەرسيتەتتىڭ ءبىلىمدى جاستارى مەن وقىتۋشىلار قۇرامى تىس قالماي, بەلسەندىلىك تانىتۋى ءتيىس دەپ سانايمىن. پرەزيدەنتىمىز ايتقانداي: «قازىر بوي جارىستىراتىن زامان ەمەس, وي جارىستىراتىن زامان»», – دەدى ۋنيۆەرسيتەت رەكتورى اقىلبەك كۇرىشباەۆ.
باسقوسۋدا ستۋدەنتتەر شىعارعان «ەلباسىم – ەل تىرەگىم» اتتى رەپ ستيلىندەگى جاڭا ءاننىڭ تۇساۋى كەسىلدى. دۋماندى شارا ۇلت اسپاپتار وركەسترى قىز-جىگىتتەرىنىڭ دومبىرا شاناعىنان توگىلتكەن كۇمبىرلەگەن كۇيىمەن ءوز جالعاسىن تاپتى.
ءابدىراحمان قىدىربەك,
«ەگەمەن قازاقستان».
––––––––––––––
سۋرەتتەردى تۇسىرگەن
ەرلان وماروۆ.