الماتىدا مونشا كەشەنى تۇرىندەگى جاسىرىن كازينو قىزمەتىنىڭ جولى كەسىلدى, دەپ حابارلايدى Egemen.kz قر قارجى مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.
«ويىن بيزنەسى تۋرالى» قر زاڭىنىڭ 11-بابىنا سايكەس, زاڭدا بەلگىلەنگەن ورىنداردان تىس جەرلەردە كازينو مەن ويىن اۆتوماتتارىنىڭ قىزمەتىنە تىيىم سالىنادى.
الماتى قالاسى بويىنشا افم اۋماقتىق دەپارتامەنتىنىڭ قىزمەتكەرلەرى قالاداعى مونشا كەشەندەرىنىڭ بىرىندە ورنالاسقان جاسىرىن كازينو قىزمەتىنىڭ جولىن كەستى.
تەكسەرۋ كەزىندە مەكەمەدە 23 ويىنشى مەن قىزمەت كورسەتۋشى پەرسونال بولدى. جەراستى كازينوسىندا تەك تۇراقتى كليەنتتەردىڭ وتكىزۋ جۇيەسى قۇرىلدى. ويىنشىلار اقشانى كازينو ۇيىمداستىرۋشىلارىنىڭ كارتوچكالىق شوتتارىنا اۋدارىپ وتىرعان.
زاڭسىز ويىن بيزنەسىن ۇيىمداستىرۋ فاكتىسى بويىنشا سوتقا دەيىنگى تەرگەۋ باستالدى. وزگە اقپارات تەرگەۋ مۇددەسىندە جاريا ەتىلمەيدى.