كاسىپكەرلەر اراسىندا ءادىل باسەكەلەستىك جۇرگىزۋگە جول اشىلادى. وسىنى ماقسات ەتكەن زاڭ جوباسى بۇگىن ماجىلىستە تالقىلاندى, دەپ جازادى Egemen.kz.
قۇجات نەگىزگى ءۇش باعىتتان تۇرادى. ءبىرىنشىسى, نەگىزگى قۋاتتاردى قولجەتىمدى ەتۋ. بۇگىنگە دەيىن ينفراقۇرىلىم مەن رەسۋرستارعا قول جەتكىزە الماعان كاسىپكەرلەر تۇتىنۋشىعا قاجەتتى قىزمەتتى كورسەتە الماي كەلەدى. ەكىنشى باعىت باعانى رەتتەۋگە باعىتتالعان. ءۇشىنشىسى ىرىكتەلگەن كومپانيالارعا قامقورلىق كورسەتۋدى ازايتۋدى كوزدەيدى. وسىنىڭ اياسىندا ەلدە بىرىڭعاي وپەراتورلاردىڭ سانى ازايادى.
بۇل تۋرالى باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ورىنباسارى مالىمدەدى.
ونىڭ ايتۋىنشا قازىر ەلدە 51 وپەراتور بار. ونىڭ 47-ءسى مەملەكەتتىڭ قاتىسۋىمەن قۇرىلعان. جاڭا زاڭ بويىنشا ولاردىڭ تورتەۋى جويىلادى. بەسەۋى جىلدىڭ اياعىنا دەيىن وپەراتور مارتەبەسىنەن ايىرىلادى. زاڭ جوباسىن ازىرلەۋ كەزىندە ەكى ءجۇز وتىز ۇسىنىس قارالعان. ناتيجەسىندە ون زاڭعا الپىس وزگەرىس ەنگىزىلمەك.