حالىقتىڭ ورتكە قارسى مادەنيەتىن ارتتىرۋ جانە تۇرعىن ءۇي سەكتورىنداعى ءورت جاعدايىن تۇراقتاندىرۋ ماقساتىندا جىلۋ بەرۋ ماۋسىمىنا دايىندىق كەزەڭىندە اقمولا وبلىسى توتەنشە جاعدايلار دەپارتامەنتى وسى جىلدىڭ 1 قىركۇيەگىنەن باستاپ ءورت قاۋىپسىزدىگى ايلىعىن وتكىزۋدە.
ءورت قاۋىپسىزدىگى ايىنىڭ شەڭبەرىندە دەپارتامەنت قىزمەتكەرلەرى جەرگىلىكتى اتقارۋشى ورگاندارمەن, جەرگىلىكتى پوليتسيا قىزمەتىمەن جانە ۆولونتەرلەرمەن بىرلەسىپ تۇرعىلىقتى جەرى بويىنشا پروفيلاكتيكالىق رەيدتەر جۇرگىزەدى, ولار حالىقتى پەشپەن جىلىتۋ, ەلەكترمەن جىلىتۋ اسپاپتارىن پايدالانۋ كەزىندەگى ءورت قاۋىپسىزدىگى شارالارىنا جانە ءورت تۋىنداعان جاعدايداعى ءىس-قيمىلدارعا وقىتۋعا باعىتتالعان. بۇگىنگى تاڭدا وبلىس بويىنشا 42 مىڭنان استام ازامات قامتىلىپ, 14 566 تۇرعىن ۇيدە پروفيلاكتيكالىق جۇمىستار جۇرگىزىلدى.
دەپارتامەنت جىلۋ بەرۋ كەزەڭى باستالعانعا دەيىن جىلىتۋ پەشتەرىنە جوندەۋ جۇرگىزۋدى ۇسىنادى, قولدانىستاعى قاعيدالارعا سايكەس ءتۇتىن مۇرجاسىن تازالاۋدى كەمىندە 3 ايدا ءبىر رەت جۇرگىزۋ قاجەت.
جىلىتۋ پەشتەرىنىڭ جانىندا جيھاز جانە باسقا دا جانعىش زاتتاردى ورنالاستىرۋعا تىيىم سالىنادى, سونداي-اق پەش جاعۋ ءۇشىن تەز تۇتاناتىن جانە جانعىش سۇيىقتىقتاردى پايدالانۋعا تىيىم سالىنادى.
بۇدان باسقا, قولدان جاسالعان ەلەكتر قىزدىرعىش اسپاپتارىن پايدالانۋعا تىيىم سالىنادى, ءبىر جەلىگە بىرنەشە ەلەكتر اسپاپتارىنىڭ قوسىلۋىنا جول بەرىلمەيدى, بۇل ەلەكتر جەلىسىنىڭ شامادان تىس جۇكتەلۋىنە اكەپ سوعادى, ەلەكتر سىمدارىنىڭ, قوسقىشتاردىڭ جانە روزەتكالاردىڭ اقاۋسىزدىعىن قاداعالاۋ قاجەت.
ەڭ باستىسى, بالالارعا تۇرمىستىق قۇرالداردى ءوز ەركىمەن پايدالانۋعا رۇقسات ەتپەۋ, سىرىڭكەلەردى ولار ءۇشىن قول جەتپەيتىن جەرلەرگە قويۋ جانە كىشكەنتاي بالالاردى ەرەسەكتەردىڭ قاراۋىنسىز ۇيدە جالعىز قالدىرماۋ قاجەت.
ايتا كەتۋ كەرەك, ازاماتتىق قورعاۋ ورگاندارى ءبىلىم باسقارمالارى مەن بولىمدەرىمەن بىرلەسىپ وقۋ مەكەمەلەرىندە ءورت قاۋىپسىزدىگى ەرەجەلەرىن وقىتۋ بويىنشا جۇمىستار جۇرگىزۋدە.
2021-2022 جج. وقۋ كەزەڭىندە ءبىلىم بەرۋ ۇيىمدارىندا 2 مىڭنان استام ادامدى قامتي وتىرىپ 23 ينتەراكتيۆتى ساباق, 792 ادام قامتي وتىرىپ 113 ءدارىس, اڭگىمە جانە نۇسقامالار وتكىزىلدى.
«ەگەمەن-اقپارات»