اۋعانستانداعى كانداگار قالاسىنىڭ مىڭداعان تۇرعىنى تاليبان قوزعالىسىنىڭ بۇيرىعىنا قارسى شىقتى, دەپ جازادى Egemen.kz Reuters اگەنتتىگىنە سىلتەمە جاساپ.
ۆەدومستۆونىڭ مالىمەتىنشە, نارازىلىق بىلدىرۋشىلەر كانداگاردا گۋبەرناتور ءۇيىنىڭ الدىنا جينالعان. ولار 3 مىڭعا جۋىق وتباسىنا ارميا گارنيزونى ماڭىنداعى اۋماقتى بوساتۋ تۋرالى بۇيرىققا نارازى بولدى. سەبەبى كوبىنىڭ ءۇيى سول جەرگە سالىنعان. وندا نەگىزىنەن وتستاۆكاداعى ارميا گەنەرالدارى مەن اۋعانستان قاۋىپسىزدىك كۇشتەرىنىڭ باسقا مۇشەلەرىنىڭ وتباسى تۇرادى.
سوندىقتان مىڭداعان اۋعاندىق كانداگار كوشەلەرىنە شىعىپ, اۋماقتى ءماجبۇرلى تۇردە بوساتۋعا نارازىلىق ءبىلدىردى. ادامدار قارجىلىق قيىندىقتارعا شاعىمدانىپ, ءتىپتى ازىق-ت ۇلىك الۋعا شاماسى كەلمەيتىنىن ايتادى.
ازىرگە تالىبتەردىڭ نارازىلىق تانىتۋشىلارعا كۇش قولدانعانى تۋرالى اقپارات جوق.
«تاليبان» كوشباسشىلارى كەز كەلگەن قيانات جاعدايىن تەرگەۋگە ۋادە بەردى, بىراق دەمونسترانتتارعا نارازىلىق اكتسياسىنا شىعار الدىندا رۇقسات سۇراۋدى بۇيىردى.