تاعى بەس كوۆيدتىك گوسپيتال جابىلدى

ولار حالىققا كوپبەيىندى مەديتسينالىق كومەك كورسەتۋ ءۇشىن شتاتتىق جۇمىس رەجيمىنە ورالدى.

«سىرقاتتانۋشىلىق كورسەتكىشى ەكى ەسەگە جۋىق تومەندەگەنى بايقالادى. ورتاشا العاندا, ءبىز كۇنىنە 350-گە دەيىن جاعدايدى انىقتايمىز. وسىعان بايلانىستى بىزدە توسەك قورىنىڭ جۇكتەمەسى ازايدى. بارلىعى 4 264 توسەك ورنالاستىرىلدى, بۇعان دەيىن ءبىز ولاردىڭ 1 433-ءىن جيناپ تاستادىق. سونىڭ ارقاسىندا بەس كوۆيدتىك گوسپيتال جابىلدى. ولار قاراعاندى وبلىسىنىڭ تۇرعىندارىنا كوپبەيىندى كومەك كورسەتۋ ءۇشىن قايتارىلدى. كۆي توسەكتەرىنىڭ جۇكتەمەسى 29 پايىزدى قۇرايدى», دەدى دەنساۋلىق ساقتاۋ باسقارماسىنىڭ باسشىسى گامال توقسامباەۆ.

گوسپيتالداردىڭ جان ساقتاۋ بولىمشەلەرىندە 80 ناۋقاس جاتىر. ولاردىڭ كوپشىلىگى ۇزاق ۋاقىت ءوزىن-ءوزى ەمدەۋدەن كەيىن وكپەنىڭ زاقىمدانۋىنىڭ جوعارى پايىزىمەن ينفەكتسيالىق اۋرۋحانالارعا تۇسكەن. ءوجج اپپاراتتارىنا 9 ادام قوسىلعان.

اۋرۋدىڭ تومەندەۋىنە قاراماستان, بوساڭسۋعا ءالى ەرتە. ايماق ءالى دە «قىزىل» ايماقتا.

ء«بىز وبلىس تۇرعىندارىن ءوزىن-ءوزى ەمدەۋمەن اينالىسپاۋعا, بارلىق شەكتەۋ شارالارىن ساقتاۋعا جانە وزدەرى مەن جاقىندارىن قورعاۋعا شاقىرامىز», دەدى قاراعاندىلىقتارعا گامال توقسامباەۆ.

وتكەن تاۋلىكتە وبلىستا 340 جاڭا كۆي جاعدايى تىركەلدى, 354 ادام ساۋىعىپ شىقتى.