الماتى وبلىسىندا مەكتەپ قاجەتتىلىگى ءۇشىن مۇعالىمدەردەن اقشا جيناماق بولعان مەڭگەرۋشى جۇمىستان شىعارىلدى, دەپ جازادى Egemen.kz قر سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتىنك سىلتەمە جاساپ.
ءباسپاسوز حابارلاماسىنداعى مالىمەتكە سايكەس, التىن اۋىلىنداعى ورتا مەكتەپ مۇعالىمدەرىنىڭ ايتۋىنشا, قاراساي اۋدانى بويىنشا وقۋ ءىسىنىڭ مەڭگەرۋشىسى مەكتەپ مۇعالىمدەرىنەن 60-80 مىڭ تەڭگەدەن باستاپ اقشا تالاپ ەتكەن. قاراجات مەكتەپ قاجەتتىلىكتەرى ءۇشىن قاجەت بولعان. تالقىلاۋدان كەيىن جوعارىدا اتالعان وقۋ مەڭگەرۋشىسى قىزمەتىنەن بوساتىلىپ, ديرەكتور تارتىپتىك جاۋاپكەرشىلىككە تارتىلعان.
دەپارتامەنتتىڭ مالىمەتىنشە, پارا الۋ دەرەكتەرى ءالى دە ءبىلىم, اۋىلشارۋاشىلىعى جانە جەر قاتىناستارى سالاسىندا ءجيى كەزدەسىپ وتىر.
«جالپى, ءبىلىم بەرۋ سالاسىنداعى سىبايلاس جەمقورلىق دەڭگەيى بۇرىنعىسىنشا تۇراقتى جوعارى. اتالعان فاكتى Call-ورتالىققا كەلىپ تۇسكەن وتىنىشتەردىڭ سانىنىڭ كوپتىگى بويىنشا دالەلدەنەدى. قازىر ارنايى 1424 Call-ورتالىققا تۇسكەن بارلىق ءوتىنىشتىڭ جارتىسىنان كوبى ءبىلىم بەرۋ جۇيەسىنە تيەسىلى», دەپ جازىلعان حابارلامادا.