ماجىلىسمەن يۋري لي قازاقستاننىڭ باس پروكۋراتۋراسى قارجىلىق پيراميدالارعا قارسى تۇرۋ ماسەلەسىن بايىپتى تۇردە شەشۋى ءتيىس دەپ ەسەپتەيدى. بۇل تۋرالى ول پارلامەنت ءماجىلىسىنىڭ جالپى وتىرىسىندا باس پروكۋرورعا جولداعان ساۋالىندا ايتتى, دەپ جازادى Egemen.kz.
ءليدىڭ ايتۋىنشا, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتتەرىنە سايكەس, 2020 جىلدىڭ ناۋرىزىنان 2021 جىلدىڭ ساۋىرىنە دەيىن سوتقا دەيىنگى تەرگەۋدىڭ بىرىڭعاي تىزىلىمىندە 190-باپ بويىنشا الاياقتىقپەن 41307 قۇقىق بۇزۋشىلىق تىركەلگەن. ونىڭ ىشىندە ينتەرنەت الاياقتىق جانە قر قىلمىستىق كودەكسىنىڭ 217-بابى مەن قارجىلىق (ينۆەستيتسيالىق) پيراميداسىن باسقارۋ دەرەكتەرى بار.
زارداپ شەككەندەردىڭ جالپى سانى 40 833 ادامدى قۇرادى, كەلتىرىلگەن زالالدىڭ بەلگىلەنگەن كولەمى 417 ملرد تەڭگەنى قۇرادى.
وسىعان بايلانىستى دەپۋتات باس پروكۋرورعا وسى دەپۋتاتتىق ساۋالدا كورسەتىلگەن ءمان-جايلارعا جوعارى ساپالى قۇقىقتىق باعا بەرۋىن ءوتىندى.