اۋعانستاندى باقىلايتىن «تاليبان» قوزعالىسىنىڭ باسشىلارى اراسىندا (جوعارعى سوتتىڭ شەشىمىنە سايكەس, قازاقستاندا قوزعالىسقا تىيىم سالىنعان) جانجال تۋىندادى, دەپ حابارلايدى Egemen.kz.
«تاليبان» قوزعالىسىنىڭ نەگىزىن قالاۋشىلاردىڭ ءبىرى, ۆيتسە-پرەمەر ابدۋل عاني بارادار بوسقىندار ءمينيسترى حاليل راحمان حاككانيمەن جانە تالىپتەرمەن تىعىز بايلانىستى «حاككاني جەلىسىنىڭ» بەلدى وكىلىمەن پرەزيدەنت سارايىندا وتكەن كەزدەسۋ كەزىندە جانجال شىعاردى.
دەرەككوزدەردىڭ ءبىرى ەكى شەنەۋنىكتىڭ ءبىر-بىرىنە اۋىر سوزدەر ايتقانىن ايتتى. جانجالدىڭ ارتى توبەلەسپەن اياقتالعان.
«تاليبان» قوزعالىسىنىڭ كاتارداعى اعا مۇشەسى جانە وقيعاعا قاتىسۋشىلارمەن بايلانىسقان ادام جانجال تۋرالى اقپاراتتى راستادى.
دەرەككوزدەردىڭ حابارلاۋىنشا, داۋ باراداردىڭ اۋعانستاننىڭ جاڭا ۇكىمەتىنىڭ قۇرامىنا قاناعاتتانباۋىنان شىققان. جانجال سونىمەن قاتار اۋعانستاندى جەڭۋ ءۇشىن تالىپتەردىڭ ءبىر وكىلى جاۋاپكەرشىلىكتى ءوز موينىنا الۋى كەرەك دەگەن كەلىسپەۋشىلىكتەن تۋىندادى.
باراداردىڭ جەڭىسكە ديپلوماتياعا باسا نازار اۋدارۋ ارقىلى كەلگەنىن, بولاشاقتا دا ديپلوماتياعا باسا نازار اۋدارۋ كەرەك دەسە, تالىپتەردىڭ ەڭ جوعارى دارەجەلى باسشىلارىنىڭ ءبىرى باسقاراتىن «حاككاني جەلىسىنىڭ» مۇشەلەرى بۇعان تەك سوعىس ارقىلى قول جەتكىزدىك دەپ ەسەپتەيدى.
اقش بيلىگى ونى تەرروريستىك ۇيىم دەپ سانايدى. «حاككاني جەلىسىنىڭ» جەتەكشىسى سيرادجۋددين حاككاني اۋعانستاننىڭ جاڭا ۇكىمەتىنىڭ ىشكى ىستەر ءمينيسترى بولىپ تاعايىندالدى.
تالىپتەر اراسىنداعى قاقتىعىس تۋرالى قاۋەسەتتەر وتكەن اپتادا, قوزعالىستىڭ ەڭ تانىمال وكىلدەرىنىڭ ءبىرى بارادار كەنەتتەن كوپشىلىك الدىندا كورىنۋدى توقتاتقاننان كەيىن باستالدى. الەۋمەتتىك جەلىلەردە ونىڭ ءولىمى تۋرالى بولجامدار دا پايدا بولدى.
الايدا, «تاليبان» اراسىنداعى اقپارات كوزدەرى قاقتىعىستان كەيىن بارادار كابۋلدان كەتىپ, كانداگاردا ەكەنىن حابارلادى.