اتالعان جوبا اياسىندا 2019 جىلى 300 جاس ازامات ىرىكتەپ الىنىپ, سونىڭ ىشىندە 186 مامان ءارتۇرلى دەڭگەيدەگى مەملەكەتتىك لاۋازىم بويىنشا قىزمەتكە ورنالاستى, دەپ جازادى Egemen.kz پرەزيدەنتتىڭ ءباسپاسوز حاتشىسى بەرىك ۋاليگە سىلتەمە جاساپ.
«مەملەكەت باسشىسى العاشقى تاجىريبەنىڭ ءتيىمدى جاقتارىن ەسكەرە وتىرىپ, جاس كادرلار رەزەرۆىنە قاتىستى باستامانى جالعاستىرۋ تۋرالى شەشىم قابىلداعانى بەلگىلى.
وسى ورايدا, جوباعا قاتىسۋعا قۇجات قابىلداۋ ءجۇرىپ جاتقانىن ايتا كەتۋ كەرەك. جوباعا 35 جاستان اسپاعان, جوعارى ءبىلىمدى جانە 5 جىل ەڭبەك ءوتىلى بار, مەملەكەتتىك ءتىلدى مەڭگەرگەن ءاربىر جاس ازامات قاتىسا الادى.
ىرىكتەۋ قورىتىندىسى بويىنشا بيىل 50 ادام پرەزيدەنتتىك جاستار كادر رەزەرۆىنە الىنادى.
بارلىق اقپاراتپەن Pkrezerv.gov.kz سايتىنان تانىسۋعا بولادى.
ەل ەرتەڭى ءۇشىن قىزمەت ەتەم دەگەن جاستاردى وسى جوباعا قاتىسۋعا شاقىرامىز!», دەپ جازدى بەرىك ءۋالي فەيسبۋكتە.