قازاقستان ۇكىمەتىنىڭ 2021 جىلعى 31 تامىزداعى قاۋلىسىمەن مەملەكەت شەكاراسىنداعى زاڭسىز ساۋدا اينالىمىنا قارسى ءىس-قيمىلدىڭ كەشەندى جوسپارى بەكىتىلدى, دەپ حابارلايدى Egemen.kz.
جوسپار 3 باعىتتى قامتيدى:
زاڭنامالىق پروتسەستەر جانە حالىقارالىق ىنتىماقتاستىق. IT-ينفراقۇرىلىمىن قۇرۋ. باقىلاۋ ءراسىمىن جەتىلدىرۋ.اتاپ ايتقاندا, كەلەسىلەر جوسپارلانعان:
اۆتوموبيل وتكىزۋ پۋنكتتەرىندە ەلەكتروندىق كەزەكتى ەنگىزۋ بويىنشا پيلوتتىق جوبانى جۇرگىزۋ; تاۋارلاردىڭ نەگىزگى توپتارىنىڭ يمپورتىنا مونيتورينگ جۇرگىزۋ, كولەڭكەلى اينالىم دەڭگەيىن تومەندەتۋ جونىندە ۇسىنىستار ازىرلەۋ; اكەلىنگەن ساتتەن باستاپ ساتۋعا دەيىن تاڭبالاۋعا جاتاتىن تاۋارلاردى باقىلاۋدى كۇشەيتۋ; تبج-دا تومەن تاۋەكەل دەڭگەيىندەگى سەق-قا قاتىستى سەلەكتيۆتى ىرىكتەۋ تەتىگىن قولدانۋ; قحر-دان قر ارقىلى ترانزيتپەن وتەتىن تاۋارلار كولەمىنە قحر كەدەندىك ستاتيستيكاسىمەن الشاقتىقتاردىڭ بولۋى تۇرعىسىنان بىرلەسكەن تالداۋ جۇرگىزۋ; ەاەو ەلدەرىنىڭ فيسكالدىق ورگاندارى اراسىندا ەكسپورتتىق وپەراتسيالار بويىنشا مالىمەتتەر الماسۋ; قر مەن قىرعىزستاننىڭ فيسكالدىق ورگاندارى اراسىندا ەكسپورتتىق وپەراتسيالار بويىنشا مالىمەتتەر الماسۋدى جالعاستىرۋ; «استانا-1» اج ينتەگراتسياسىمەن اۆتوموبيل وتكىزۋ پۋنكتتەرىندە ەلەكتروندىق كەزەك جۇيەسىن ەنگىزۋ; ينسپەكتسيالىق-تەكسەرىپ قاراۋ كەشەندەرىنىڭ رەنتگەن-سۋرەتتەرىن تالداۋ كەزىندە جاساندى ينتەللەكت تەتىكتەرىن ەنگىزۋ.جوسپاردا بارلىعى 44 ءىس-شارا قاراستىرىلعان.
قاۋلى قول قويىلعان كۇنىنەن باستاپ قولدانىسقا ەنگىزىلەدى.