كرەيدۋنداردىڭ كوپشىل كوڭىلى

وتكەن اپتادا مەملەكەتتىك حاتشى قىرىمبەك كوشەرباەۆتىڭ ونلاين رەجىمدە قاتىسۋىمەن جەڭىم­پازداردى ماراپاتتاۋ ءراسىمى بولدى. وبلىس اكىمى قۇمار اق­سا­قالوۆ ۇلتتىق بايقاۋدىڭ جەڭىم­پاز­­دارى بولعان كوپبالالى وتباسىعا 5 ملن تەڭگەنىڭ سەرتيفي­كا­تىن, مەم­لە­كەت باسشىسى قاسىم-جومارت توقاەۆتىڭ اتىنان ديپ­لوم جانە ەسكەرتكىشكە باعا­لى سىي­لىقتار تاپسىردى. كرەي­دۋن­داردىڭ وتباسى وزدەرىنىڭ تاتۋ-ءتاتتى, ۇيلەسىمدى وتباسى ەكەن­­دىك­تەرىن كورسەتە ءبىلدى. بۇل شاڭى­راق­تان ۇنەمى جايدارى كۇلكى مەن جار­قىن ۇندەر عانا شىعىپ تۇرادى.

سەرگەي مەن يننا كرەيدۋندار وسىدان 28 جىل بۇرىن ۇيلەنگەن. وتاعاسى جەرگىلىكتى شارۋا قوجا­لىعىندا مەحانيزاتور بولىپ ىس­تەيدى. ال ايەلى يننا اندرەەۆنا – مەكتەپتە باستاۋىش سىنىپ مۇعالىمى. ەكەۋىنىڭ اندرەي دەگەن ۇلى مەن ۆيولەتتا ەسىمدى قىزى بار. سوعان قاراماي بۇل شاڭى­راق 2017 جىلى «پاتروناتتىق وتباسى» باعدارلاماسى بويىنشا بەس بالانى اسىراۋىنا العان. ولار ليۋبوۆ, ۆالەنتينا, پەتر, مارگاريتا جانە ۆەرونيكا ەسىمدى بالالار. ء«وزىمىزدىڭ شەشىمىمىزگە ەشقاشان وكىنبەيمىز. ويتكەنى ولار ءوزىمىزدىڭ تۋعان بالالارىمىزداي بولىپ كەتتى», دەيدى وتاناسى يننا اندرەەۆنا.

بۇگىندە وتباسىنىڭ بالالارى ەرجەتىپ, ۇلكەندەرىنىڭ قولدارى ءوز اۋزىنا جەتكەن. ۇلكەن ۇلى اندرەي ءوزىنىڭ قوسالقى شارۋاشىلىعىمەن اينالىسادى, ۆيولەتتا – تاربيەشى, ليۋبا – 2-كۋرس ستۋدەنتى. ال كىشىلەرى – ۆالەنتينا, مارگاريتا, ۆەرونيكا جانە ۇلى پەتر مەكتەپتە وقيدى. ولاردىڭ بارلىعى قازاق ءتىلىن ەركىن مەڭگەرگەن.

يننا كرەيدۋن: «بالالارى­مىزدى ماقتان تۇتامىز. ءبىز ولاردى وسىرسەك, ولار بىزگە ءومىردىڭ ماعىناسىن بەردى. وقۋ, مامان­دىق الۋ, بولاشاقتى جوسپارلاۋ مۇمكىندىگىن بەرگەنى جانە وتباسىمىزدى قولداعانى ءۇشىن مەم­لەكەتكە ۇلكەن العىس ايتقىم كەلەدى. ءومىردى ءبىلۋ جانە ونىڭ قۇن­­دىلىقتارىن باعالاۋ وتە ما­ڭىز­دى. ويتكەنى بارلىق مەملەكەت­تەر جاس ۇرپاققا سونشالىقتى مۇ­قيات قارامايدى. وڭ كوزقاراس بولا­شاققا دەگەن سەنىمدىلىك پەن وپتيميزم سەزىمىن ۇيالاتادى», دەيدى.

سولتۇستىك قازاقستان وبلىسى