قر ساۋدا جانە ينتەگراتسيا مينيسترلىگىنىڭ ەكسپورتتى دامىتۋ دەپارتامەنتىنىڭ ديرەكتورى ومىربەك باشتايدىڭ ايتۋىنشا, «QazTrade» AliBaba كومپانياسىمەن كەلىسىمشارتقا قول قويدى. جىل سوڭىنا دەيىن قر ساۋدا جانە ينتەگراتسيا مينيسترلىگى AliBaba-مەن بىرلەسىپ, ۇلتتىق ۆيرتۋالدى پاۆيلون اشۋدى جوسپارلاپ وتىر, وندا بارلىق قازاقستاندىق تاۋارلار ورنالاساتىن بولادى, دەپ حابارلايدى Egemen.kz.
«تامىز ايىندا «QazTrade» AliBaba-مەن كەلىسىمشارتقا قول قويدى. جىل سوڭىنا دەيىن AliBaba-مەن بىرگە kazakhstan.alibaba.com ۇلتتىق ۆيرتۋالدى پاۆيلونىن اشۋدى جوسپارلاپ وتىرمىز. وندا بارلىق قازاقستاندىق تاۋارلار ورنالاساتىن بولادى. جالپى وسى باعدارلامانىڭ ارقاسىندا ەلەكتروندى ساۋدا الاڭدارىنا شىعارۋ بويىنشا ەكسپورتتىق كەلىسىمشارت 62,7 ملن اقش دوللارىن قۇرادى. بۇل باعدارلاماعا نەگىزىنەن شاعىن جانە ورتا بيزنەس قاتىسادى», دەدى ومىربەك باشتاي.